اوقاتى بتحلو معاك - سيد مكاوى
كلمات: عبد الوهاب محمد
تلحين: سيد مكاوى
سنة الاصدار: 1979
الاصدار فى: اسطوانات صوت الفن
Awkati Bithlaw - Sayed Mekkawi
Lyrics by: Abdel Wahab Mohamed
Composed by: Sayed Mekkawi
Year: 1979
Released in: Soutelphan
أوقاتي بتحلو.. تحلو معاك
وحياتي تكمل برضاك
وبحس بروحي بوجودي
من أول ما بكون وياك
ويا روحي ساعة ما القاك..
مش بس أوقاتي بتحلو
دي العيشة والناس والجو
والدنيا بتضحكلي معاك
من كتر حلاوة الأيام
ونعيمي وسعدي بلياليك
مش بحسب فات منهم كام
ولا بقدر أفكر غير فيك
والليل وياك يساوي زمان
واليوم وياك يساوي زمان
واكتر يزمان من 100 بكرة
ده الليل بلقاك أنوار وأمان
حتى ولو كان من غير قمرة
الله ع الحب لما يوفق بين قلب لقلب
ويخلي القرب شعور تاني أحلى من القرب
وأنا جنبك بنسى إن الدنيا فيها ناس قاسيين
أو فيها عذاب هجر وشكوى بين العاشقين
وبشوف إن العالم كله محبين
وان جاني حسود في هواك وعذول
يقول ويعيد حسيبوا يقول
وانا خاف من إيه وانت معايا
والعالم ايه ما انت كفاية
يا سلام يا سلام يا سلام يا سلام
يا سلام لما الأيام تضحك وتروح
عين يا ليل يا ليل
والحب أما بيحيي الأرواح مع كل شروق
وانا بلمح بكره معاك فتان مليان أفراح
وجمال أشكال والوان
وانت اللي بتدي القلب النور
وتخلي نجوم لياليا تدور
وتملى حياتي ورود وزهور
وانا اخاف من ايه ما انتوا معايا
والعالم ايه العالم ما انتوا كفاية
يا روحي ساعة ما القاك
مش بس أوقاتي بتحلو
العيشة والناس والجو
والدنيا بتضحكلي معاك
