اغانى فيلم "لمين هواك" 1954 - هدى سلطان
Lamin hawak (Who Has Taken Your Fancy?) 1954 - Huda Sultan
الاغانى:
كلمات: فتحى قورة
1- يا حلاوة الورد
تلحين: محمد فوزى
2- الامل
تلحين: محمد فوزى
3- محلاك يا شمع الفرح
تلحين: احمد صدقى
يا حلاوة الورد
يا حلاوة الورد يا جمال الورد
رحنا قطفناه وجينا نبيعه
خدوا مني الورد يا عشاقه
من قبل ما تدبل أوراقه
أبيض وجميل على غصنه يميل
والناس لعبيره بيشتاقوا
أدي صحبة جميلة آه يا محلاها
علشانك رحنا قطفناها
من أجمل بستان جبناها
وبإيدي الحلوة أنا عاملاها
– بس أنا عيان وفي قلبي هوى
= خد صحبة كمان ده الورد دوا
يشفيك الورد وتطيب ع الورد
رحنا قطفناه وجينا نبيعه
خدي وردة يا أحلى من الوردة
يا جميلة وعيني عليكي باردة
دي تكتر حسنك وتزيد في جمالك وحلاوة قدك
شميها وخليها بعيد لا تتوه في الورد اللي في خدك
ما هو زي الورد وأحلى من الورد
رحنا قطفناه وجينا نبيعه
= إيه رأيك في الصحبة دي عمالة عليك بتنادي؟
– مفيش عنك دوا لفؤادي؟
= خدله من الورد النادي
– والورد هيعمل إيه؟
= خد بالك م الوصفة دي
شمه 3 مرات في اليوم
بعد الأكل وقبل النوم
حاسب ع الورد وجمال الورد
رحنا قطفناه وجينا نبيعه