بوست القمر - شادية
كلمات: عبد الوهاب محمد
تلحين: محمد الموجى
سنة الاصدار: 1972
الاصدار فى: اسطوانات صوت القاهرة
Buset Al Qamar - Shadia
Lyrics by: Abdel Wahab Mohamed
Composed by: Mohamed El-Mougi
Year: 1972
Released in: Sono Cairo
شفت القمر على طلعتك بالي انشرح
وقلت امتى في رجعتك يجي الفرح
انا قلبى طار م الشوق اليك
راح للنجوم يسأل عليك
و لما ما لقتش لعينيك فى الليل أثر
بوست الهوى وبعت بوستى للقمر
شفت القمر.. آه بوست القمر
على طلعتك شفت القمر إحساسي قال
إن انت اجمل م القمر ومن الجمال
وهواك واخدني اسهر هنا
علشان رابطنا ببعضنا
فى جو بيقربلنا بعد البلاد
انا قلبى طار م الشوق إليك
راح للنجوم يسأل عليك
ولما ما لقتش لعينيك فى الليل أثر
بوست الهوى وبعت بوستى للقمر
شفت القمر.. آه بوست القمر
بعت بوستي للقمر يمكن تكون
سهران وشارد في السهر صاحي العيون
وبتهدي بوستك للقمر
وانا بهدي بوستى للقمر
يتقابلوا الاتنين في السفر من غير ميعاد
انا قلبى طار م الشوق إليك
راح للنجوم يسأل عليك
ولما ما لقتش لعينيك في الليل أثر
بوست الهوى وبعت بوستى للقمر
شفت القمر.. آه بوست القمر
بوسلي القمر على طلعتي واسهر ناجيه
وأنا حبقى حاسة بوحدتي باللي انت فيه
وابعت شعوري في الهوا
يلمس شعورك بالهوا
وكأننا بنرجع سوا أحباب جداد
انا قلبى طار م الشوق إليك
راح للنجوم يسأل عليك
ولما ما لقتش لعينيك في الليل أثر
بوست الهوى وبعت بوستى للقمر
شفت القمر.. آه بوست القمر
