على جناحك يا حمامى - نجاة الصغيرة
كلمات: محمد البحطيطى
تلحين: عز الدين حسنى
سنة الاصدار: 1967
الاصدار في: اسطوانات صوت القاهرة
Ala Janahak Ya Hamami - Nagat Al Saghira Lyrics by: Mohamed Al Bahtiti
Composed by: Ezz Al Din Hosni
Year: 1967
Released in: Sono Cairo
Year: 1967
Released in: Sono Cairo
على طرف جناحك يا حمام حربطلك مكتوبي
واملاه اشواقي وسلامي توصلها لمحبوبي
واحلف له يمين بعينيا الاتنين
قلبي اشتاقله وبيندهله
من بعده أنا عايشة لأحلامي وحنيني لحبيبي
بدعيلك توصل بسلام من قلبي بدعيلك
يسلملي جناحك يا حمام ويدوم لينا جميلك
أنا لا حنام ولا نوم حيجيني
طول ما هو غايب كدة عن عيني
بالليل أسهر أعد نجومه وانسى العد وأعيده أعيده
والناس بيناموا ويقوموا والقلب القلب بتنهيده
والتنهيدة تساوي ليالي تساوي ليالي
ولا بيغيب الشوق عن بالي الشوق عن بالي
يا سلام يا حمام لو جبت الرد معاك
وكمان يا سلام لو جه يا حمام وياك يا سلام يا سلام
ويشوف قلبي نهاية صبره
ويعيش أحلى ثواني في عمره
واحلفله يمين بعينيا الاتنين
قلبي اشتاقله وبيندهله
من بعده أنا عايشة لأحلامي وحنيني لحبيبي
------------------- اصدارات اخرى = Other editions -------------------
