Ana Fe Enterzarak - Om Kalsoum = انا فى انتظارك - ام كلثوم

انا فى انتظارك - ام كلثوم

كلمات: بيرم التونسى

تلحين: زكريا احمد

سنة الاصدار: 1943

الاصدار في: اسطوانات صوت القاهرة

Ana Fe Enterzarak - Om Kalsoum
Lyrics by: Bayram al-Tunsi
Composed by: Zakaria Ahmed
Year: 1943
Released in: Sono Cairo

أنا في انتظارك خليت

ناري في ضلوعي وحطيت

إيدي على خدي وعديت

بالثانية غيابك ولا جيت

ياريت ياريت ياريت

يا ريتني عمري ما حبيت

عايز أعرف لا تكون غضبان

أو شاغل قلبك انسان

خليتني من يأسي أقول

الغيبة دي غيبة على طول

واتفكر إيه اللي جنيت

من ذنب يسيئك ما لقيت

ياريت ياريت ياريت ياريت

يا ريتني عمري ما حبيت

اتقلب على جمر النار

واتشرد ويا الأفكار

النسمة أحسبها خطاك

والهمسة أحسبها لغاك

على كده أصبحت وأمسيت

وشافوني وقالوا اتجنيت

ياريت ياريت ياريت ياريت

يا ريتني عمري ما حبيت

توعدني بسنين وايام

وتجيني بحجج وكلام

وتسلم وتمر قوام

او تخلف وتقول لي نسيت

ياريت ياريت ياريت ياريت

يا ريتني عمري ما حبيت