تملى فى قلبى - محمد فوزى
كلمات: عبد الفتاح مصطفى
تلحين: محمد فوزى
تملي ف قلبى يا حبيبى
وانا عايش غريب عنك
تملي ولا انت دارى بى
وانا بشكى اليك منك
انا بشكى اليك منك.. يا .. يا حبيبى
يا ساكن فى الهوى قلبى
وساكن فى الديار جارى
جمالك كل يوم جنبى
آسرنى وانت مش دارى
معاك بعينيا .. وكفاية تنور ليا دنيايا
انا بشكى اليك منك.. يا .. يا حبيبى
لا فى ماضى اقولك كان
ولا فاكره ولا نسيته
ولا مرة جمعنا مكان
عشان تدرى اللى قاسيته
بقلبى لك انا كلى
وشاغلك عنى ايه قولى
انا بشكى اليك منك.. يا .. يا حبيبى
ياريت اخطر ف احلامك
واشاغلك واشغلك مرة
ياريت تلمحنى ايامك
واعيش فيها ولو نظرة
ياريت اخطر على قلبك
ولو تكرهنى واحبك
انا بشكى اليك منك.. يا .. يا حبيبى