خسارة - عبد الحليم حافظ
كلمات: مامون الشناوى
تلحين: بليغ حمدى
توزيع موسيقى: اندريه رايدر
سنة الاصدار: 1957
الاصدار فى: فيلم فتى احلامى
Khossara - Abdel Halim Hafez
Lyrics by: Ma'moun El Shinnawi
Composed by: Baligh Hamdi
Arranged by: Andre Ryder
Year: 1957
Released in: Fata ahlami (My Dream Guy) film
خسارة خسارة فراقك يا جارة
عينيا بتبكي عليكي بمرارة
خسارة خسارة فراقك يا جارة
يوماتي ليلاتي بدور عليكي
أتاري حياتي بشوفها بعينيكي
عيوني سهارى دموعي حيارى
عينيا بتبكي عليكي بمرارة
خسارة خسارة فراقك يا جارة
القلب اللي بسهمك مجروح
فين يهرب من حبك ويروح
على نار الشوق يتألم
ولا قادر يوم يتكلم
رضيت بابتسامة ونظرة وإشارة
عينيا بتبكي عليكي بمرارة
خسارة خسارة فراقك يا جارة
يا سامع ندايا حبايبي فاتوني
لهمي وأسايا وحيرة عيوني
ما بين سهدي تارة وبين دمعي تارة
عينيا بتبكي عليكي بمرارة
خسارة خسارة فراقك يا جارة
