يا ظالمنى - ام كلثوم
كلمات: احمد رامى
تلحين: رياض السنباطى
سنة الاصدار: 1951
الاصدار في: اسطوانات صوت القاهرة
Ya Zalemni - Om KalsoumLyrics by: Ahmed Rami
Composed by: Riad El Soumbati
Year: 1951
Released in: Sono Cairo
يا ظالمنى يا هاجرنى وقلبى من رضاك محروم
تلوعنى وتكوينى تحيرنى وتضنينى
و لما أشكى تخاصمنى وتغضب لما أقولك يوم يا ظالمنى
حرام تهجر وتتجنى وتنسى كل ما جرالى
واقضى العمر وأتمنى يصادف يوم وتصفالى
صبرت سنين على صدك وقاسيت الضنى ف بعدك
عشان تعطف عليا يوم
وتهجرنى وتنسانى وتتركنى لأشجانى
و لما اشكى تخاصمنى وتغضب لما اقولك يوم يا ظالمنى
أطاوع فى هواك قلبى وانسى الكل علشانك
وادوق المر فى حبى بكاس صدك وهجرانك
ويزداد الجوى بيا يبان الدمع فى عينيا
ويكتر في هواك اللوم
وابات ابكى على حالى و تفرح فيا عزالي
ولما اشكى تخاصمنى وتغضب لما أقولك يوم يا ظالمنى
حكيتلك عن سبب نوحى ونار الوجد فى دموعي
وبان للناس ضنى روحى وتعذيبى وتلويعى
رحمنى اللى فرح فيا وبعد اللوم رأف بيا وقلبك ما رحمنى يوم
بقى العازول يدوق كاسى وقلبك يا ضنين قاسى
ولما اشكى تخاصمنى وتغضب لما اقولك يا ظالمني
