زى الهوى - عبد الحليم حافظ
كلمات: محمد حمزة
تلحين: بليغ حمدى
سنة الاصدار: 1970
الاصدار فى: اسطوانات صوت الفن
Zay El Hawa - Abdel Halim HafezLyrics by: Mohamed Hamza
Composed by: Baligh Hamdi
Year: 1970
Released in: Soutelphan
زي الهوى يا حبيبي زى الهوى
وآه من الهوى
يا حبيبي آه من الهوى
وخدتنى من ايدي يا حبيبي ومشينا
تحت القمر غنينا وسهرنا وحكينا
وفي عز الكلام سكت الكلام
واتاريني ماسك الهوا بايديه
وآه من الهوى يا حبيبي
وخذتني ومشينا والفرح يضمنا
ونسينا يا حبيبي مين انت ومين انا
حسيت ان هوانا ح يعيش مليون سنه
وبقيت وانت معايا الدنيا ملك ايديه
امر على هوايا تقول امرك يا عينيه
وفي عز الكلام سكت الكلام
واتاريني ماسك الهوا بايديه
وآه من الهوى يا حبيبي
خايف ومشيت وانا خايف
ايدي في ايدك وانا خايف
خايف على فرحه قلبي
خايف على شوقي وحبي
وياما قلت لك انا
واحنا في عز الهنا
قلت لك يا حبيبي
لا انا قد الفرحه ديّ
وحلاوه الفرحه ديّ
خايف لا في يوم وليله
ماالاقكش بين ايديه
تروح وتغيب عليّ
وقلت لي يا حبيبي ساعتها
دي دنيتي انت اللي ملتها
وفي عز الكلام سكت الكلام
واتاريني ماسك الهوا بايديه
وآه من الهوى يا حبيبي
وخذتني يا حبيبي ورحت طاير طاير
وفتني يا حبيبي وقلبي حاير حاير
وقلت لي راجع بكره انا راجع
وفضلت مستني بآمالي
ومالي البيت بالورد بالشوق بالحب بالاغاني
بشمع قايد باحلى كلمه فوق لساني
كان ده حالي يا حبيبي لما جيت
رددنا الغنوه الحلوه سوا
ودبنا مع نور الشمع .. دبنا سوا
ودوقنا حلاوه الحب .. دوقناها سوا
وفي لحظه لقيتك يا حبيبي زي دوامه هوا
رميت الورد طفيت الشمع يا حبيبي
والغنوه الحلوه ملاها الدمع يا حبيبي
وفي عز الامان ضاع مني الامان
واتاريني ماسك الهوا بايديه
وآه من الهوى يا حبيبي
اول مرة - حفل منوعات بسينما ريفولى 1970