اهل الهوى - ام كلثوم
كلمات: بيرم التونسى
تلحين: زكريا احمد
سنة الاصدار: 1944
الاصدار في: اسطوانات صوت القاهرة
Ahl El Hawa - Om KalsoumLyrics by: Bayram al-Tunsi
Composed by: Zakaria Ahmed
Year: 1944
Released in: Sono Cairo
أهل الهوى يا ليل فاتوا مضاجعهم
واتجمعوا يا ليل صحبه وأنا معهم
يطـولوك يا ليل من اللي بيهم
وأنت يا ليل بس اللي عالم بيهم
فيهـم كسير القلب والمتألـــــــم
واللي كتم شكواه ولم يتكلـــــم
واللي قعد بعد الحبايب وحــده
وبات حزين بشكي هيامه ووجده
يشكوا ولا مخلوق سمع شكواهـــم
إلا الكواكب في السما سمعاهـــم
يطولوك يا ليل بالسهد والأفكــــــار
والشمس بعد الليل تطلع عليهـــم نار
وبعد طول الويــل تطلع لهم يا ليل
ويقصروك يا ليل في صحبه هنيــه
علــى وتـــر رنــــان للصبحيــة
فيهم يا ليل خل عطف على خلــــــه
ويقول له لحن الشوق وخله يقول له
يا ليل .. .يا ليل … ياليل … ياليل
ويقصروك ياليل على هنا وسـرور
والشمس بعد الليل تطلع عليهم نور
ويسألوك يا ليــل إمتى تعود يا ليل
ناس من قلوبها تقول
وناس على أرغول تقول يا ليـــل
واحنا معانا بـــدر طالع في ليلة قدر
فيها حبيب القلـب وافى ووفى الندر
هو يقول يا ليل واحنا نقول يا ليـل
وكلنــا بنقـول يا ليــــل يا ليـــل
