اهيم شوقا - الشيخ امام
كلمات: احمد فؤاد نجم
تلحين: الشيخ امام
Lyrics by: Ahmed Fouad NegmComposed by: Sheikh Imam
زمان لما افترقنا وليل الطريق سرقنا وتهنا في المسالك
انا المجروح وانتي حزينه زي ماانتي عنيده في امتثالك
تعبنا يا حبيبتي تعبنا م العناد طريق واعر فرقنا وتهنا في البلاد
مع انك ياحبيبتي حياتك في الوداد وانا عارف نهايتي في البعاد
عذابك وحشني وعشقك هبشني وقلبك فرشني جناين وقمره
راجع لك ياسمرا
اهيم شوقا اعود شوقا الى لماكي وسلسبيلي
يا سمرا يا للي الهوى رماني
وتهت فيكي وضاع زماني
يحدفني بحرك لبر تاني
يجيبني شوقي او تندهيلي
اهيم شوقا اعود شوقا الى لماكي وسلسبيلي
هربت منك لقيتني فيكي
بعدت عنك قربت ليكي
سهرت وحدي اتونست بيكي
غلب حماري وتاه سبيلي
اهيم شوقا اعود شوقا الى لماكي وسلسبيلي