شال الهوى - الشيخ امام

شال الهوى - الشيخ امام

كلمات: احمد فؤاد نجم

تلحين: الشيخ امام

سنة الاصدار: 1971

Lyrics by: Ahmed Fouad Negm
Composed by: Sheikh Imam

Year: 1971

شال الهوى بينا

حط الهوى تاني

واحنا والسفينة

في بحر الأماني

عمي يا ماشي

ع الشط القريب

قول أي وانت ماشى

لأه ولا طيب

حبي راح ما جاشى

مش حييجي تاني؟

شال الهوى شاله

بان المستخبي

شاف قلبي ناداله

يا عيني يا قلبي

حط الهوى شاله

خبي السحر عني

هو الهوى ماله

داير باله مني

كل ما يلاقيني

أشوف عنيه تراعيني

كأنه بيناديني

أفوت أهلي وجيراني

شال الهوى بينا

حط الهوى تاني

شال الهوى شيله

حط الهوى حطه

هما يوم وليله

كان فرش وغطى

شال الهوى بيا

من بين الحبايب

حط الهوى بيا

وأنا قلبي دايب

والتقتني ماشي

أدور ما التقاشي

واللي راح ماجاشي

فكرني ونساني

شال الهوى بينا

حط الهوى تاني

شال الهوى بينا

رحنا عشمانين

حط الهوى تاني

جينا عطشانين

يا عشاق بلدنا

يا ولاد الغرام

لا رحنا استفدنا

ولا جينا بسلام

خدنا الهوى رحنا

و احنا زى ما احنا

ورجعنا بجراحنا

وبحبة أماني

شال الهوى بينا

حط الهوى تاني