انت اول حب - شادية
كلمات: محمد كمال بدر
تلحين: محمد الموجى
سنة الاصدار: 1966
الاصدار في: اسطوانات صوت القاهرة
Lyrics by: Mohamed Kamal BadrComposed by: Mohamed El-Mougi
Year: 1966
Released in: Sono Cairo
يادي العذاب.. يادي العذاب
السؤال هو السؤال
والجواب نفس الجواب
انت ايه بالنسبه ليا
بس بص انت ف عينيا
والجواب هيبان عليا
انت أول حب ليا
شوف ياحبيبي.. قبل ما أقابلك
قبل ماأشوفك.. كنت تملي ف بالي
ياما سهرت معاك يا حبيبي.. ياما سهرت ليالي
كنت بغمض وانا سهرانه.. وأسأل قلبي امتى نحب
واتصورتك زي ما شفتك.. كلك عطف ورقه قلب
أنا حبيتك قبل ما أشوفك.. ياما ناجيت الحب في طيفك
شوف حبيتك بقى من امتى
ده أنا في الدنيا ماليش الا انت
وبتسألني.. طب فهمني.. بس ازاي حبك يتقدر
ياللي يوماتي بحبك أكتر
مهما هقولك ع اللي في قلبي
مهما هقول مش هقدر أعبر
انت أول حب ليا.. انت أول حب
ياحبيبي.. انت ليلة عمر حلوة ..عشت فيها ألف ليلة
ياحبيبي.. انت نسمه وجت خدتني.. للهنا في رحلة جميلة
انت بالنسبالي تبقى كل شيء حلو ف حياتي
كنت من غير ذكريات.. وابتديت بيك ذكرياتي
انت احساسي بوجودي.. والوجود من غيرك انت يبقى ايه
ياللي من غيرك حياتي.. وايه حياتي يعني كنت هعيشها ليه
ياللي نور الدنيا كله في ابتسامتك
طب ده أنا مالقيتش روحي الا يومها.. يوم ماشفتك
وانت أول حب ليا.. انت اول حب
