رق الحبيب - ام كلثوم
كلمات: احمد رامى
تلحين: محمد القصبجى
سنة الاصدار: 1944
الاصدار في: اسطوانات صوت القاهرة
Rakka Al Habib - Om Kalsoum
Lyrics by: Ahmed Rami
Composed by: Muhamad Al-Qasabji
Year: 1944
Released in: Sono Cairo
Lyrics by: Ahmed Rami
Composed by: Muhamad Al-Qasabji
Year: 1944
Released in: Sono Cairo
رق الحبيب وواعدني يوم
وكان له مدة غايب عني
حرمت عيني الليل من النوم
لاجل النهار ما ييجي يطمني
صعب عليّا انام
احسن اشوف في المنام
غير اللي يتمناه قلبي
سهرت استناه
واسمع كلامي معاه
واشوف خياله قاعد جنبي
من كتر شوقي سبقت عمري
وشفت بكرة والوقت بدري
وايه يفيد الزمن
مع اللي عاش في الخيال
واللي في قلبه سكن
انعم عليه بالوصال
طلع عليّا النهار
سهران بنور الامل
وغنت الأطيار
لحن الهوى والغزل
وفضلت أفكر في معادي
واحسب لقربه ألف حساب
وكان كلامي مع صحابي
عن المحبة والأحباب
من فرحتي بدي اتكلم
واقول حبيبي مواعدني
لكن أخاف لا يكون بينهم
مظلوم في حبه ويحسدني
هجرت كل خليل ليّا
وفضلت عايش مع روحي
أحسن يبان شيء في عينيّا
من كتر خوفي على روحي
ولما قرب معاد حبيبي
ورحت أقابله
هنيت فؤادي على نصيبي
من قرب وصله
ولقيتني طايل م الدنيا كل اللي اهواه
بس اللي كان فاضل ليّا أسعد بلقاه
لما خطر ده على فكري حير أمري
والقرب سبب تعذيبي
ولقيتني خايف على عمري لا يروح مني
من غير ما شوف حُسن حبيبي
