احضان الحبايب - عبد الحليم حافظ
كلمات: عبد الرحمن الابنودى
تلحين: محمد الموجى
توزيع: على اسماعيل
سنة الاصدار: 1969
الاصدار فى: فيلم ابى فوق الشجرة
Ahdan El Haybayab - Abdel Halim HafezLyrics by: Abd al-Rahman al-Abnoudi
Composed by: Mohamed El-Mougi
Arranged by: Ali Ismail
Year: 1969
Released in: Abi Foq El Shagara (My Father Up a Tree) film
مشيت على الأشواك وجيت لأحبابك
لا عرفوا إيه وداك.. ولا عرفوا إيه جابك
رميت نفسك في حضن.. سقاك الحضن حزن
حتى في احضان الحبايب شوك يا قلبي
مشينا هناك .. ورحنا واللي هناك جرحونا
جينا شايلين جراحنا.. وبكينا وقلنا جينا
جينا لكم يا للي لينا مدوا إيديكم خدونا
شيلوا الشوك من صدورنا والدمعه من عينينا
اللي جينالهم يا قلبي في جراحنا جرحونا
ابكي.. تحت الليالي والخوف ملو الضلوع
قلبي.. يا بلاد غريبة بتنورها الدموع
رميت نفسك في حضن.. سقاك الحضن حزن
حتى في احضان الحبايب شوك يا قلبي
يا للي في ليل البعد بننده تبقوا معانا
يا للي بنحلم بيكم ضحكة واحنا حزانى
باسم هواكم ليا بتطفوا الشمعة الباقية في لياليا
باسم العطف عليا بترشوا الشوك في طريق آيامي الجاية
يا شط كان مفروش هنا وحب وأماني
ازاي تسلم مركبي للحزن تاني
الدنيا غايمه في عيوني
على فين يا حزن موديني؟
من رحلة الوهم البعيدة لرحلة الحزن الجديدة
ابكي تحت الليالي والخوف ملو الضلوع
قلبي يا بلاد غريبة بتنورها الدموع
رميت نفسك في حضن سقاك الحضن حزن
حتى في أحضان الحبايب شوك يا قلبي
