اخد حبيبى - فايزة احمد
كلمات: مجدى نجيب
تلحين: محمد سلطان
سنة الاصدار: 1969
الاصدار في: اسطوانات صوت القاهرة
Akhod Habbi - Fayza Ahmed
Lyrics by: Magdi Naguib
Composed by: Mohamed Sultan
Year: 1969
Released in: Sono Cairo
Lyrics by: Magdi Naguib
Composed by: Mohamed Sultan
Year: 1969
Released in: Sono Cairo
آخد حبيبي يانا يا مه .. آخد حبيبي يا بلاش
زارع ف قلبي وردة ..
والنبي يا مه ما تقطفيهاش
غازلاله يا مه بايدي الطاقية
وإزاي يا مه ما يلبسهاش؟
من صغري معاه أنا يا مه .. من صغري معاه
عارفة لما يغيب يا أمايا .. شمسي تغيب وياه
اللي ما بعرفهوش يا أمايا .. ولا اللي أنا عارفاه
شمسي هو .. قمري هو
عنه ما بستغناش
غازلاله يا مه بايدي الطاقية
وإزاي يا مه ما يلبسهاش؟
علي وردة ف جنينة .. نقشنا اسمنا
وعشنا كل ليلة .. نزوق عمرنا
بضحكة حلوة مرة .. وبدقة قلبنا
مشواري هو .. وداري هو
يا مه ما تبعديناش
غازلاله يا مه بايدي الطاقية
وإزاي يا مه ما يلبسهاش؟
يا أمايا أنا .. في الليل لوحدي يا مه
قمري انا سهران
يا مه .. ايدي علي خدي يا مه
قلبي أنا حيران
وتقوليلي ليه سهرانة؟
سهرانة ليه وحيرانة؟
دنيايا هو .. وعمري هو ..
يا مه ما بتبعديناش
غازلاله يا مه بايدي الطاقية
وإزاي يا مه ما يلبسهاش؟
------------------- اصدارات اخرى = Other editions -------------------
