Eyoun El-Alb album 1979 - Nagat Al Saghira = اغانى البوم "عيون القلب" - 1979 - نجاة الصغيرة

اغانى البوم "عيون القلب" - 1979* - نجاة الصغيرة

Eyoun El-Alb album 1979- Nagat Al Saghira

الاغانى:

1- عيون القلب

كلمات: عبد الرحمن الابنودى

تلحين: محمد الموجى

2- بحلم معاك

كلمات: عبد الرحيم منصور

تلحين: هانى شنودة

3- فاكرة

كلمات: عبد الوهاب محمد

تلحين: حلمى بكر

4- انا بعشق البحر 

كلمات: عبد الرحيم منصور

تلحين: هانى شنودة

(*) قدمت نجاة الاغنيات فى سهرة تلفزيونية يوم الخميس 1 نوفمبر 1979 ثم قامت شركة صوت الفن بتجميعها فى البوم

Tracklist:

1- Eyoun El-Alb

Lyrics by: Abd Al Rahman Al Abnoudi
Composed by: Mohamed El Mougi

2- Bahlam Meaak

Lyrics by: Abdel Rehim Mansour
Composed by: Hani Shenouda

3- Fakra

Lyrics by: Abdel Wahab Mohamed
Composed by: Hilmi Bakr

4- Ana Bashaaa El-Bahr
Lyrics by: Abdel Rehim Mansour
Composed by: Hani Shenouda

عيون القلب

عيون القلب سهرانة مابتنامش

لاأنا صاحية ولانايمة مابقدرش

يبات الليل .. يبات سهران .. على رمشى

وانا رمشى ماداق النوم .. وهوا عيونو تشبع نوم

روح يانوم من عين حبيبى .. روح يانوم

حبيبي .. حبيبي اه من حبيبي

عليه احلى ابتسامه ..

لما بتضحك عيونه .. بقول يالله السلامة

لما يسلم عليه .. ولا يقولي كلام

عايزه ورى كل كلمة .. اقوله يا سلام .. يا سلام

دا قالي فى يوم .. يا حبيبتي خذي القمر

ورحت معاه .. وما اداني إلا السهر

وانا رمشى ماداق النوم .. وهوا عيونو تشبع نوم

روح يانوم من عين حبيبى .. روح يانوم ..

تقولي كلام .. وافرح بيه .. انا افرح بيه

اسيب النوم .. وافكر فيه .. انا افكر فيه

انت تقول وتمشي .. وانا اسهر ما انامشي

ياللي ما بتسهرشي .. ليله يا حبيبي ..

سهرني حبيبي .. حبك يا حبيبي

بكتب ع الليالي .. اسمك يا حبيبي

دا قالي فى يوم .. يا حبيبتي خذي القمر

ورحت معاه .. وما اداني إلا السهر

وانا رمشى ماداق النوم .. وهوا عيونو تشبع نوم

روح يانوم من عين حبيبى .. روح يانوم ..

حبيتك يا حبيبى من غير مااسأل سؤال

وحاسهر يا حبيبى مهما طال المطال

انا بس اللى محيرنى و ما خلانيش انام

ازاى انا بقدر اسهر وازاى تقدر تنام

و أقوله حبيبي .. كل ما فيك حبيبي .. و حلو

صوتك ..حلو قلبك .. حلو

و حتى لما تتعبني و اسهرلك .. سهرك حلو

وانا رمشى ماداق النوم .. وهوا عيونو تشبع نوم

روح يانوم من عين حبيبى .. روح يانوم ..

بحلم معاك

باحلم معاك.. بسفينة

وبموجة ....ترسينا

ونبحّر تاني

الريح تعاند ... وألاقيك

في عينيك .....وإيديك

شطي وأماني

العالم كله بأسراره

عايش ويايا عايش جوايا

طول ما انت ..في الرحلة معايا

اسمك واسمي.... يا حبيبي

مدينتي...... وحكايتي

سكني وترحالي

العالم كله بأسراره

عايش ويايا عايش جوايا

طول ما انت ..في الرحلة معايا

فاكرة

فاكرة أنا ناسية وفاكرة .. حبه بقى ماضى وذكرى 

يعنى .. عندى يادوب فكرة .. لكن خلينا فى بكرة خلينا فى بكرة

آآآآآآآه على اللي بستناه .. ياه ياه على اللي بتمناه

 بقى كدة هو .......

 ده أنا عمرى حيبتدى وياه

 أنا عايزة أطير مع حب كبير .. واكبر بكتير من كل غرام عرفوه الناس

وح اعيش واعيش وانا غيره ماليش

وفى قلبى ما فيش أكتر من الحب ومن الإحساس

ح انسى روحى معاه معاه .. وألقاه لحياتى حياة

ح انسى روحى معاه معاه .. وألقاه لحياتى حياة

فاكرة أنا ناسية وفاكرة .. حبه بقى ماضى وذكرى

يعنى .. عندى يادوب فكرة

لكن خلينا فى بكرة خلينا فى بكرة

آآآآآآآه على اللي بستناه .. ياه ياه على اللي بتمناه

آآآآآآه أنا عايزاه

ايوة ادي كل أمالي .. حلوة

وأجمل فى خيالى يعنى .. لأدى حكاية تانية

هو .. أحلى ما في الدنيا 

أحلى ما في الدنيا

أهلاً بالحب يا أهلاً بيه .. أهلاً بالحب يا أهلاً بيه

وبهنا لياليه وبهنا لياليه .. وبفرحه وبجرحه وبكل مافيه

ماهو لولا الحب نعيش على إيه ولانعيش ليه

واليوم فى الإيد ولا عمر بعيد ولا عمر بعيد

ماهو أصل الحب مالوش مواعيد مالوش مواعيد

انا بعشق البحر

أنا بعشق البحر

زيك يا حبيبي حنون

وساعات زيك مجنون

ومسافر ومهاجر

وساعات زيك فرحان

وساعات زيك زعلان

وساعات مليان بالصبر

أنا بعشق البحر

أنا بعشق السما

علشان زيك مسامحة

مزروعة نجوم وفرحة

وحبيبة وغريبة

وعلشان زيك بعيدة

وساعات زيك قريبة

بعيون متنغمة

أنا بعشق السما

أنا بعشق الطريق

لأنه فيه لقانا

وفرحنا وشقانا

وصحابنا وشبابنا

وفيه ضحكت دموعنا

وفيه بكيت شموعنا

وضاع فيه الصديق

أنا بعشق الطريق

أنا بعشق البحر

وبعشق السما

وبعشق الطريق

لأنهم حياة

وانت يا حبيبي

انت كل الحياة

------------------- اصدارات اخرى = Other editions -------------------