مش هاين اودعك - نجاة الصغيرة
كلمات: مامون الشناوى
تلحين: بليغ حمدى
سنة الاصدار: 1958
الاصدار فى: الاذاعة
مش هــاين اودعك اشـوفك واسمعك
ماهي واحدة من الأثنين ياتخدني يا أرجعك
لا دمعك يطفى ناري ولا دمعي ينفعك
سافر من غير ميعاد ولا أني أودعك
بتحملني ليه وأنا جانبك هم الاشواق؟
وتخليني أحس بقربك وكــــأنه فراق؟
خبي عليَّ يوم ماتسافر تبقى تقول
خلى بكايَ يبقى الأخر مش على طول
اه مش على طول
أنا ياما سهرت ياما ودموعي تدعي ياما
ترجع لى بالسلامة
وحشاني الابتسامة
ياوحشني أسمعك أشوفك وأسمعك
ماهي واحدة من الأثنين ياتخدني يا أرجعك
لا دمعك يطفي نارى ولا دمعي ينفعك
سافر من غير ميعاد ولااني اودعك
الوداع يحرمني منك مش بحبه ليه أقابله
كل شئ يبعدني عنك مستحيل اقدر اروح له
تبقى ايدك بين ايديَّ ازاي اسيبها
هي ايه تهون عليها تسيب حبيبها
ده انا ياما سهرت ياما ودموعي تدعي ياما
ترجع لي بالسلامة
واحشاني الابتسامة
وواحشني اسمعك اشوفك واسمعك
ماهي واحدة من الاثنين ياتخدني يا ارجعك
لادمعك يطفي ناري ولا دمعي ينفعك
سافر من غير ميعاد ولا اني اودعك
