Hobak Mayentehish (Your Love Shall Never End) - Mayada Al Hannawi = حبك مينتهيش - ميادة الحناوى

حبك مينتهيش - ميادة الحناوى

كلمات: عمر بطيشة

تلحين: سيد مكاوى

سنة الاصدار: 1985

الاصدار في: اسطوانات عالم الفن

Hobak Mayentehish (Your Love Shall Never End) - Mayada Al Hannawi
Lyrics by: Omar Batiesha
Composed by: Sayed Mekkawi
Year: 1985
Released in: Alam El Phan

حبك ما ينتهيش مخلوق عشان يعيش

اداني عمري ثاني غير عمري الأولاني

رجعت ضحكة شفايفي ورجعت تاني الأغاني

يـا حبيب الروح والعين يـا زماني وأحلى سنين

يـا مالكني بخاطري وبرضايا وأوامرك جاية على هوايا

من اللي ينهي حبك غير اللي قاله عيش

يـا حبيبي هدي قلبك حبك ما ينتهيش

زي الحلم اللي بيخطفنا في رحلة بعيدة

ويرجعنا بعد ماشفنا دنيا جديدة

خذني هواك .. سفرني معاك

على طول بس .. ما رجعنيش

حب حقيقي بيؤمر شوقي

حتى في قربك ما يسيبنيش

متهيألي اللي حصلي أترجى العمر ما يمشيش

وأسبق عمري ساعات على فجري

وأقوله افضل هنا ما تجيش

هو احنا كنا زمان عايشين .. ما اظنش يا قلبي

وفاتت ازا ي السنين .. قبل حكاية حبي

بيك ومعاك ياحبيبي بصدق حلم الحب اللي بيتحقق

حبك يومي وبكرا وبعده وحياة قلبي وشوقه وسهده

روحي وروحك قبل ما ندرى .. على رحلة عمرهم تعاهدوا

ياللي نسيت واياك الماضي بعذابه وحيرته وجراحه

ولقيت قلبي كمان بقى راضي ينسى معاك حتى أفراحه

قلبي اتكلم لما تعلم معنى الحب وجنة قربه

حب حياته، عاش أوقاته .. قال للناس : حبوا وحبوا

أتمنالكم مع حبايبكم قرب وفرحة عمر وقسمة

وأنت يـا حبي عش مع قلبي أكبر حب وأكبر نعمة

ما اقدرش أقول بحبك وأسكت كده على طول

لازم أقول أقول بحبك وأفضل وأقول

حبك ما ينتهيش مخلوق عشان يعيش

------------------- اصدارات اخرى = Other editions -------------------