Kolleda Kan Leh - Nagat Al Saghira = كل ده كان ليه - نجاة الصغيرة

كل ده كان ليه - نجاة الصغيرة

كلمات: مامون الشناوى

تلحين: محمد عبد الوهاب

سنة الاصدار: 1954*

 الاصدار فى: الاذاعة

Kolleda Kan Leh - Nagat Al Saghira

Lyrics by: Ma'moun El Shinnawi
Composed by: Mohamed Abdel Wahab
Year: 1954

Released in: Radio

كل ده كان ليه لما شفت عينيه

حن قلبي إليه وانشغلت عليه

كل ده كان ليه

قال لي كم كلمة يشبهوا النسمة في ليالي الصيف

سابني وف قلبي شوق بيلعب بي وف خيالي طيف

غاب عني بقى له يومين ما اعرفش وحشني ليه

إحترت أشوفه فين وان شفته حاقول له إيه

كل ده كان ليه

اللي حيرني واللي غيرني واللي فاتني ف حال

نام وسهرني والا فاكرني والا مش عالبال

صبحني ف هم وويل من طول ما بفكر فيه

نساني أنام الليل خلاني أبات أناجيه

كل ده كان ليه

ليه بيحرمني من سؤال عني وافضل استناه

لو يكلمني كان يطمني ع اللي بتمناه

يا شاغلني ليل ونهار بغرام ما اقدرش اداريه

شوف قلبي وشوف النار اللي انت قايدها فيه

كل ده كان ليه

(*) اذيعت الاغنية بصوت نجاة شهر مارس 1954 ثم اوقفها عبد الوهاب ليذيع تسجلا اخر للأغنية بصوته في شهر يونيو من نفس العام، وفيما بعد اذيعت الاغنية في  برنامج ارشيف الاغانى عام 1958