Saken Osady - Nagat Al Saghira = ساكن قصادى - نجاة الصغيرة

ساكن قصادى - نجاة الصغيرة

كلمات: حسين السيد

تلحين: محمد عبد الوهاب

سنة الاصدار: 1961

الاصدار فى: حفل اضواء المدينة بسينما ريفولى - اسطوانات صوت القاهرة

Saken Osady - Nagat Al Saghira
Lyrics by: Hussein El Sayed
Composed by: Mohamed Abdel Wahab
Year: 1961
Released in: Rivoli Cinema concert 1961 - Sono Cairo

 ساكن قصادي وبحبه وأتمنى اقابله

فكرت أصارحه لكن أبدا مأقدرش أقوله

وفضلت استنى الأيام في معاد مايسهر ومعاد ما يرجع

كل خطوة أرسم احلام تكبر ف قلبي والقلب يطمع

وأقول مسيره ح يحس بيا لو يوم صادفني وسلم علي

حيلاقي صورته ساكنه بعيني ويحس بيها برعشة ايدي

كنت حاسه أن حـبـه كل ماده كان بيكـبــر

أبقى عايزه لو يكون لي قلب غير قلبي الصغيـر

فضلت أمالي مع الليالي

تقرب حبيبي اللي ساكن قصادي وبحبه

وفي يوم صحيت على صوت فرح بصيت من الشباك

زينـه وتهـاني وناس كتيـر دايـرين هنـا وهنـاك

شاوروا لي بإيديهم وقالوا لي عـقـبـالك

هللت م الفرحه وسألت

قالوا ....... جارك

حبيبك حبيبي

اللي ساكن قصادي .... وبحبه

رحت الفرح بالليل ورسمت بعيني الفرحـه

ساعة ما كان بيشيل بإيديه وبعيني الطرحه

شربت شرباتهم وانا قاعده بصالهم

لحد ما قاموا ومشيت اوصلـهـم

حتى الأمل ما بقاش من حقي أفكر فـيـه

بعد الليله دي خلاص بقى غيري أولى بيه

وتهـت وسـط الزحـام مـا حـد حاسس بي

عايزه أجري وأرجع أتوه والناس يقولوا حاسبي

ناس في طريق النور ما بين فرح وشموع

وأنا في طريق مهجور ومنـوراه الدموع

ولقيتني فايـتـه من جنب بـابه

لاهو داري بقلبـي ولا باللي نابه

يا ويلي يا ويلي من طـول غيابه

وياويل أيامي من جرح عــذابه

عذاب الجرح اللي فاتوهلي وسابه

ساكن في قلبي وساكن قصادي وبحبه

حبيبي ساكن حبيبي ساكن قصادي وبحبه

------------------- اصدارات اخرى = Other editions -------------------