بلدى يا بلدى - عبد الحليم حافظ
كلمات: مرسى جميل عزيز
تلحين: كمال الطويل
توزيع موسيقى: على اسماعيل
سنة الاصدار: 1964
الاصدار فى: الذكرى الـ 12 للثورة
Baladi Ya Baladi - Abdel Halim HafezLyrics by: Morsi Gamil Aziz
Composed by: Kamal El Tawil
Arranged by: Ali Ismail
Year: 1964
Released in: 12th Egyptian Revolution anniversary
بلدي يا بلدي والله احلويتي يا بلدي
بلدي يا بلدي بلد الثوار يا بلدي
بلدي بلدي
يا ولاد بلدي يا ولاد بلدي
انا هتكلم كده بالبلدي
بقى بالبلدي احنا جدعان ثورتنا ثورة جدعان
جدعان سمر فى عز العمر
قاسوا وتعبوا وشربوا المر
لكن قد ما تعبوا كتير حققوا نصر ومجد كبير
ودا كله بعزم وتدبير
ابو خالد نوارة بلدي
بلدي بلدي
ابو خالد ومعاه ابطالنا ضحوا وصنعوا الثورة علشانا
باشتراكيتنا ومبدائنا وبمكاسبها سلموهالنا
احنا يا شعب
واحنا يا شعب عرفنا طريقنا وعرفنا ازاي نحمي حقوقنا
احنا يا شعب احنا يا شعب
بلدي يا بلدي والله احلويتي يا بلدي
بلدي يا بلدي
بلد الاحرار يا بلدي
بلدي يا بلدي
ريسنا قالنا ثورتنا ملكنا
من سدها لقنالها مسئوله مننا
ريسنا قالنا ثورتنا فى يدنا
امانه والامانه لولادنا بعدنا
ريسنا قالنا وصانا كلنا
نسهر ونخاف عليها ونصونها لبعضنا
هنعمل بالوصيه وهنصون الهدية
وحياتك يا حبيبنا وحياتك يا جمال
ياللي عليك تنفيذ مبادئنا ان كنت صغير ولا كبير
مبادئنا يعني ثورتنا يعني امانه وشغل كتير
لو تخدم باشتراكيه وبذمة وهمة قويه
انا زي ما قال ريسنا راح اشيلك جوا عنيا
وان خدت المركز جاه
ولعبت اللعب اياه ولا همك غير مصلحتك
وظلمت فى خلق الله
هنقولك يا عديم الاشتراكيه يا خاين المسئولية
هنزمرلك كدهو ونطبلك كدهو
عايزين اللى يصون مبادئنا وينور بالحب طريقنا
ويغني معانا للحليوة بلدي
بلدي يا بلدي والله احلويتي يا بلدي
بلدي يا بلدي بلد الثوار يا بلدي
بلدي بلدي
وانت يا عامل وانت يا فلاح خليك صاحي اوعي تنام
قد ما تدي قد ما تاخد قد ما تضحكلك الايام
وانت ياللي بتفدي حياتك خليك دايما مقدام
اتعب اشقي الدنيا حقيقه لا اماني ولا احلام
بلدك عايزاك بلدك
صبحك ومساك بلدك
بلدك عايزاك عايزة جهودك عايزه وجودها يزيد بوجودك
وان شوفنا انك اهملت ولا همك رزق ولادك وتركت الغيط والمصنع
راح تبقي عدو بلادك
ونقولك يا عديم الاشتراكيه يا خاين المسئوليه
هنزمرلك كدهو ونطبلك كدهو
عايزين اللى يصون مبادئنا وينور بالحب طريقنا
ويغني معانا للحليوة بلدي
بلدي يا بلدي والله احلويتي يا بلدي
بلدي يا بلدي بلد الثوار يا بلدي
بلدي يا بلدي
يا مدورين المصانع وانتوا جوه الصهد
يا مخضرين المزارع بالعرق والجهد يا سهرانين عالحدود
وومظهرين الشوك لديرياسين والفالوجه ويوم ما نوفي الوعد
يا اهل البلد يا ناسها
يا جنودها يا حراسها
يا شمسها وضلها يا وردها وفلها
يا كل العاملين يا كل الشغالين
يا كل واحد منا بقت بلادك جنة
فيها السلام والحب
وكفايه اننا فى عز مجدنا ريسنا قالنا ثورتنا ملكنا
من سدها لقنالها مسئوله مننا
ريسنا قالنا
وصانا كلنا نسهر ونخاف عليها
ونصونها لبعضنا
