صباح الخير يا سينا - عبد الحليم حافظ
كلمات: عبد الرحمن الابنودى
تلحين: كمال الطويل
سنة الاصدار: 1974
Lyrics by: Abd al-Rahman al-AbnoudiComposed by: Kamal El Tawil
Year: 1974
فى الاوله....
قلنا جيِّنلك وجينالك ولا تهنا ولا نسينا
والتانية...
قلنا ولا رملاية فى رمالك عن القول والله ما سهينا
والتالته...
إنتي حملي وأنا حمالك صباح الخير يا سينا
وصباح الخير يا سينا رسيتي فى مراسينا
تعالي فى حضننا الدافي ضمينا وبوسينا يا سينا
مين اللى قال كنتي بعيده عني إنتي اللى ساكنه فى سواد النني
مش سهل ع الشبان يسهوا عن الأوطان
ورسيت مراسينا على رملة شط سينا
وقلنا يهون علينا. دا اول الشطئان
وصباح الخير يا سينا رسيتي فى مراسينا
تعالي فى حضننا الدافي ضمينا وخدينا يا سينا
قالوا الحياة غالية. قلنا الشرف أغلى
بلادي يا بلادي يا عيون قمر الربيع
أندهي يا بلادي يجاوبك الجميع
وصباح الخير يا سينا رسيتي فى مراسينا
تعالي فى حضننا الدافي ضمينا وخدينا يا سينا
