Howa wa Heya - Souad Husni = هو وهى - سعاد حسنى

هو وهى - سعاد حسنى

كلمات: صلاح جاهين

تلحين: كمال الطويل

سنة الاصدار: 1985

الاصدار فى: مسلسل حكايات هو وهى

Howa wa Heya - Souad Husni
Lyrics by: Salah Jahin
Composed by: Kamal El Tawil
Year: 1985
Released in: Hekayat Howa wa Heya (He and She Stories) TV show

هو وهي هي وهو

هو وهي لاء هي وهو

الاول هو انا سيد البيت

الاولى هي ده الاتيكيت

قالك مساواة قولنا له يا ريت

اصل التفرقة مش طبيعية

هو اقوى من هي

هي اذكى من هو

هي اجمل من هو

ما تنكريش ان الطاووس اجمل من الطاووسة

ناقص تقول لي ان العريس احسن من العروسة

هو وهي هي وهو

هي وهو بالقلم والمسطرة

حيعملوا اسرة لطيفة صغيرة

لاء اربطيه جنبك يا هبلة بالعيال

ليه يا اختي

لاجل الضمان والهيمنة والسيطرة

اذبح لها القطة في ليلة عرسها

اه جيت اذبح القطة جرى لي ما جرى

اقصر طريق الى قلب جوزك معدته

وادي النتيجة بدون كلام ولا نقورة

هم وهن في حوار ضاحك مشتركين

هم وهن ولا دول سامعين ولا دول سامعين

رايحة الكوافير رايح القهوة

رايحة لماما رايح ندوة

بتحبني ايوة يا ننوسة

طب قد ايه قد البسبوسة

ما تحبنيش بالشكل ده

ما بحبكيش بالشكل ده

اهو قال لي مش بيحبني

يا ناس يخلصكم كده

دي حكاية جديدة يوماتي

من حكاياته وحكاياتي

ملهاش دعوة اطلاقا

بالماضي او بالاتي

احنا اولاد دلوقتي

خمسة اربعة ثلاثة اثنين واحد صفر