فلاح - شريفة فاضل ومحمد طه
كلمات: حسين السيد
تلحين: منير مراد
سنة الاصدار: 1964
الاصدار في: اسطوانات صوت الفن
Fallah - Sharifa Fadel ft. Mohamed TahaLyrics by: Hussein El Sayed
Composed by: Mounir Mourad
Year: 1963
Released in: Soutelphan
فلاح كان فايت بيغنى من جمب السور
شافنى وأنا بجمع كم وردة فى طبق بنور
قطع الموال ااه ااه وضحك لى وقال ااه ااه
يا صباح الخيريا صباح الخير
يا اهل البندر
يا صباح النور
على بال ما عينيه التفتوا له
كان عدى وفات
بصيت ولقيت إيدى رايحه له
بتلات وردات
كان بدى اكمل مواله
على نغمه حلوة ابعتهاله
ولا منه استنى ياخد كلمه
ولا منه ساب قلبى فى حاله
يا اهل الله
إيه
حدش شاف جدع أسمر ضله خفيف
له خطوة جريئة ويشبه شهامة اهل الريف
فلاح فلاح
كان أجمل صبح نهار قلبى وعينى ما شافوه
فى براءة قلبه مافيش زيه ولا شفتش أخوه
له سحر بياخدك فى جناحه
وعينيك يشفوه كده يرتاحوا
الفجر يقوم وياه يدعى واليوم يستبشر بصباحه
يا اهل الله
إيه
يا اهل الله أمانة اه لو مرة سلمتوا عليه
تقولوا له واحدة من البندر وحشتها عينيه
وأنا ندر على لو جانى
لاهقول له لا كانى ولا مانى
انا بس هقوله عايزة اسمع
يا صباح الخير منك تانى
يا اهل الله
إيه
حدش شاف جدع أسمر ضله خفيف
له خطوة جريئة ويشبه شهامة اهل الريف
فلاح فلاح
فلاح كان فايت بيغنى من جمب السور
شافنى وأنا بجمع كم وردة فى طبق بنور
قطع الموال ااه ااه وضحك لى وقال ااه ااه
يا صباح الخير يا صباح الخير
يا اهل البندر
يا صباح النور
فلاح
------------------- اصدارات اخرى = Other editions -------------------
