3 ايام - فايزة احمد
كلمات: حسين السيد
تلحين: عبد العظيم محمد
سنة الاصدار: 1960
ثلاث ايام ثلاث ايام غايب عني
يا هل تري يا هل تري مين خدك مني
ثلاث ايام ثلاث ايام غايب عني
يا هل تري يا هل تري مين خدك مني
ثلاث ايام ثلاث ايام غايب عني
غايب
في اول يوم من الفرح قلقت الفجر من نومه
صحي معايا ورمي الطرحه وخل اليوم سبق يومه
في اول يوم من الفرح قلقت الفجر من نومه
صحي معايا ورمي الطرحه وخلى اليوم سبق يومه
مسكت الساعه في ايديا اعد الهمسه والثانيه
واتلفت حوليا في كل دقيقه والتانيه
اتاري النسمه في عنيا واعد الرايحه والجايه
وفات اليوم وراح في النوم وراح وياه معاد النوم
ياهل تري مين خدك مني ده اول يوم تغيب عني
ثلاث ايام ثلاث ايام غايب عني غايب عني
غايب
وتاني يوم كتبت جواب سبقت في دموعي في كتابته
وبعد سلام وبعد عتاب كتبت وداعي في نهايته
ورجعت تاني عتبت روحي
ازاي اودع روحي بروحي
وجمب اسمك شوق سهاني
كتبت بكره هستني تاني
ورميت جوابي وكل ظنون
والفكر في معادك سارح
من خوفي لحسن بكره يكون
زي انهارده واول امبارح
يا هل تري مين خدك مني يا غايب لك يومين عني
ثلاث ايام ثلاث ايام غايب عني غايب عني
غايب
وثالث يوم يما اتمنيت احوش الفجر لو طولتوا
بقيت من خوفي اقول يا ريت حبيبي كنت ما وعدته
جيه المعاد وكان المغرب
والشمس مجروحه بنورها
بصتلها وبقيت احسب امالي من بين ستايرها
والحيره والخوف والاوهام
كانوا ع الوجود ريشه رسام
رسموا عذابي ثلاث ايام
لحظه وعنيا شفتها في عنيك شوفتها ع طول
ودموعي لقيتها بتبوس في ايديك في اديك وتقول
ثلاث ايام ثلاث ايام غايب عني
يا هل تري يا هل تري مين خدك مني
ثلاث ايام ثلاث غايب عني غايب عني
غايب
