احلى طريق - فايزة احمد
كلمات: محمد حمزة
تلحين: محمد سلطان
سنة الاصدار: 1977
الاصدار فى: اسطوانات صوت الفن
Ahla Tarik Fi Doniety - Fayza Ahmed
Lyrics by: Mohamed Hamza
Composed by: Mohamed Sultan
Year: 1977
Released in: Alam El Phan
يا اللي الزمان بعتك ليَّ تملي الحياة حب عليَّ
لا قبل منك قابلني قلب ارق من قلبك ما الاقي
ولا بعد منك شغلني شئ في الدنيا عنك ولو ثواني
يا اللى بقيت فرحتي..همستي..دمعتي
احلى طريق في دنيتي
شفت كل الدنيا فيك وخدتني حنية عينيك
على دنيا جديدة عليَّ دنيا ما شافتها عيني
جايه وياك تناديني يا ارق ما شافت عيني
لما شفتك بين الوجوه وقلبي شـــاور عليك
لقيت كل الزحام بيتوه ولا شايفة الا عينيك
وبقيت انا وانت لوحدينا
ولا حاسة بالناس حوالينا
كلمتك وكلمتني دوبنا الكلام في ثواني
وسألتك وسألتني مافضلش أي سؤال تاني
وقربنا وكل لحظه تفوت علينا تقربنا
ودوبنا حلاوة الحب نسقي منها قلوبنا
كان كل ده كله بعنينا يا حبيبى بعنينا
والوقت فات علينا وعدا عدا ولا حسينا
وفــ عز الـحلم صحينا
وأتاري الناس حوالينا
زحام وهـمس وكلام
لقا ووداع وسلام
خوفنا من نظرات عيونا ليشفوها
خوفنا من دقات قلوبنا ليسمعوها
وقبل ما يبان علينا وقبل ما يحسوا بينا
ولا عارفه راح اشوفك امتى
يا اللى بقيت فرحتي
همستي
دمعتي
احلى طريق في دنيتي
شفت كل الدنيا فيك وخدتني حنية عينيك
على دنيا جديدة عليَّ دنيا ما شافتها عيني
جايه وياك تناديني يا ارق ما شافت عيني
يا دنيا الحيرانين يا شوق العاشقين
قولوا لي ريحوني
اشتاقت ليه عيوني
اشوفه ازاي وفين وأسال عنه مين
يا هل ترى مشغول عني وشاغلني بس بيه
ياهل ترى يوم ما قابلني قالت لي ايه عينيه
وعدتني لا
لا ما وعدتنيش
خدعتني لا
لا ما خدعتنيش
رحت المكان اللي شفته فيه
لقيت خياله هناك ماليه
شافت عينيه ضحكة ربيع ورديه
ناديت عليه ما رد صوته عليه
رجعت بالشوق والحنين
سؤال فى قلبي انت فين
يا اللى بقيت فرحتي
همستي
دمعتي
احلى طريق في دنيتي
شفت كل الدنيا فيك وخدتني حنية عينيك
على دنيا جديدة عليَّ دنيا ما شافتها عيني
جايه وياك تناديني ارق ما شافت عيني
نهاري وليلي شاغلني وحيرتى عليك بتشغلني
حايلت الشوق وحايلني وبين ده كله قابلني
حبيبي قابلني
وأقبل ما أقول له وأحكي له أتاريه جى بيحكي لي
وأقبل حتى ما اشكي له سبقني هو بيشكي لي
عن الحيرة وعن نارها وعن قلبه اللي كان جارها
أتاريه جرى له اللي جرى لي
وأتاري حاله زي حالي
خوفنا ليكون العتاب
يصحى من تاني العذاب
وقولنا نعيش لدنيتنا
وتكبر فيها فرحتنا
إن كان فيه خوف جوه قلوبنا هيكون عالحب وحبايبنا
إنساه يا حبيبي
يا اللى بقيت فرحتي
همستي
دمعتي
احلى طريق في دنيتي
شفت كل الدنيا فيك وخدتني حنية عينيك
على دنيا جديدة عليَّ دنيا ما شافتها عيني
جايه وياك تناديني يا ارق ما شافت عيني
------------------- اصدارات اخرى = Other editions -------------------
