الحب اللى كان - ميادة الحناوى
كلمات: بليغ حمدى
تلحين: بليغ حمدى
سنة الاصدار: 1980
الاصدار فى: اسطوانات صوت لبنان
El Hob Elly Kan - Mayada Al HannawiLyrics by: Baligh Hamdi
Composed by: Baligh Hamdi
Year: 1980
Released in: Voice Of Lebanon
كان ياما كان كان يا ما كان
الحب مالي بيتنا و مكفينا الحنان
زارنا الزمان . سرق منا فرحتنا و الراحة و الامان
حبيبي كان هنا . مالي الدنيا عليا
بالحب و الهنا
حبيبي يا انا يا اقرب مني ليا نسيت مين انا
انا الحب اللي كان اللي نسيته قوام من قبل الاوان
نسيت اسمي كمان نسيته يا سلام على غدر الانسان
والله زمان يا هوى زمان
حبيبي جيت انا ليه في الدنيا ديه اللي علشان احبك
علشان يدوب عمري من جرح غدرك بدري دمعة ورا دمعة و تعيش انت لفرحك
حبيبي فداك انا و سنيني اللي جاية فداك قلبي اللي حبك
امشي فوق دمعي فوق همي و غني و لا تنزلش دمعة ليلة فوق خدك
حبيبي كان هنا . مالي الدنيا عليا
بالحب و الهنا
حبيبي يا انا يا اقرب مني ليا نسيت مين انا
انا الحب اللي كان اللي نسيته قوام من قبل الاوان
نسيت اسمي كمان نسيته يا سلام على غدر الانسان
والله زمان يا هوى زمان
آه . و من حرقة الاه داب الحجر
آه . من قلب جواه حب اتقتل
و اه على عاشق هواه من غير امل
اه و الشكوى لله مش للبشر
عسل و مر انت وفا و غدر انت و حب العمر انت
كدبة انت كدبة . لكن احلى كدبة بعتها لي الزمان
رقة انت رقة . لكن شوك و دمع و بحر من الاحزان
حبيبي كان هنا . مالي الدنيا عليا
بالحب و الهنا
حبيبي يا انا يا اقرب مني ليا نسيت مين انا
انا الحب اللي كان اللي نسيته قوام من قبل الاوان
نسيت اسمي كمان نسيته يا سلام على غدر الانسان
والله زمان يا هوى زمان
زمان لما جيت بعد غيابك سنين و على قلبي ناديت
رديت حبيبي جاني
اشتاق لحبيبه تاني
لحبي لحناني و يا ريتني ما رديت
زمان كان لينا بيت و اصحاب طيبين يبكوا لو يوم بكيت
ويخافوا عليك يا غالي
و عليا م الليالي
من همسة من كلمة ويدوبوا لو غنيت
حبيبي كان هنا . مالي الدنيا عليا
بالحب و الهنا
حبيبي يا انا يا اقرب مني ليا نسيت مين انا
انا الحب اللي كان اللي نسيته قوام من قبل الاوان
نسيت اسمي كمان نسيته يا سلام على غدر الانسان
والله زمان يا هوى زمان
------------------- اصدارات اخرى = Other editions -------------------
.jpg)
تحدث المخرج جميل المغازى عبر قناة «دريم» مع الإعلامى وائل الإبراشى عن بليغ بالإشارة لآلامه النابعة من رغبته فى إنجاب طفل من وردة، التى فاجأته بطلب الطلاق، لينفذ طلبها على مضض بعد إلحاح منها.
يقول «المغازى»: «كنا فى أبوظبى، الست وردة طلبت الطلاق، راح كلم محمود لطفى، كان ماسك جمعية المؤلفين والملحنين فى التليفون وقاله طلق». قرار أصاب بليغ بالاكتئاب الشديد، نظرًا لعشقه لوردة، وهو ما جعله يتجه لأحد الشواطئ مرتديًا جلبابه، ممسكًا بعوده، وأخذ يدندن بكلمات سجلها المغازى على أوراقه.
يضيف «المغازى»: «كنا بنمشى وراه لأنه مجنون يعمل أى حاجة، قعدنا جنبه أنا وعبدالرحيم منصور ومحمد رشدى وسوزان عطية، وقعد يعزى بالعود ويقول كلام، كان معايا ورق كتبت كل كلمة بيقولها، ووصيت رشدى وسوزان يحفظوا المقامات».
ليلة حزينة مرت على بليغ بعد هذه الجلسة التى ردد فيها كلمات مفعمة بالمشاعر، وفى صباح اليوم التالى، استيقظ المغازى لتناول الفطار معه، وفى هذه اللحظات أخبره قائلًا: «إنت عملت لحن محصلش»، ليتفاجأ بليغ متسائلًا: «لحن إيه؟».
وأضاف: «قولتله إنت مكنتش دارى، قالى فى إيه؟ قولتله خد اقرأ الورق، قالى متعرفش المقام، قولتله ماليش فى المقامات وإنت عارف، لكن رشدى وسوزان عارفين، وجم قالوا له كان بيغنى إزاى».
لملم بليغ بعد الاستماع لسوزان ورشدى أوراق المغازى، لينعزل فى غرفته مدة تراوحت بين 3 و4 ساعات، ومن ثم خرج لهم.
يتابع المغازى: «طلع وغنى لنا، وكلنا كنا بنبكى، كانت أغنية الحب اللى كان، أحاسيسه كانت بتبكينا، بالذات لما يقولنا اتخلقت عشان مفيش دمعة تنزل على عينيها وماتبكيش مرة».