بيتنا الصغير - محمد رشدى
كلمات: عبد الرحمن الابنودى
تلحين: بليغ حمدى
سنة الاصدار: 1965
يا نجمتين ادوروا على سطح بيتنا و نوروا
بيتنا الصغير الأخضراني أبو الستاير برتقاني
فاتح شبابيكه يصطاد النسمة
النسمة النيلي الناعسة المبتسمة
بيتنا الصغير الجديد
أهو ده اللي باين من بعيد
كأنه خال على خد النيل
كانه كلمة قالها الليل
يا نجمتين ادوروا علشان تشوفوا منظره
بيتنا الصغير الأخضراني أبو الستاير برتقاني
النخل بيرقص حوالينا .. فينه فينه ؟
بصوا بصوا
ده اكمنه عشان النخل هناك
حتى مش باين غير نصه
بصوا بصوا
ضحك في وش السما
ضحكة أمل متنغمه
الضحكة .. طرحت لبلاب
و اللبلاب .. نور ع الباب
عارفين بنيته إزاي ..
إزاي إزاي ؟
تعالوا بينا اقوللكم و اعمللكم براد الشاي
خطيت على كل مكان في الأرض
و صاحبت الليل و الويل و البرد
رحت و جيت علشان البيت البيت
و جمعت فلوس و أديني بنيت
بنيته أخضر من لون عيون حبيبتي
و ف بابه علقت قلبي يا حبيبتي
يا نجمتين ادوروا علشان تشوفوا منظره
بيتنا الصغير الأخضراني أبو الستاير برتقاني