حبيبى اللى بحبه - سيد مكاوى
كلمات: انسان الطائر
تلحين: سيد مكاوى
الاصدار فى: البوم حبيبى اللى بحبه
Lyrics by: Insan al-Tayer
Composed by: Sayed Mekkawi
حبيبى اللى بحبه ما شفتش زيه حد
عينيه حنان وقلبه بستان أمان و ورد
غالى وطول عمره غالى
ومقامه فى قلبى عالى
خلانى عشت جنبه أحلى وأجمل ليالى
وليلة بعد ليلة .. بالحب بقينا عيلة
وأنا عشت معاه فى قصة
ولا ألف ليلة .. ليلة وليلة
أنا أول مرة شفته كان راضى زماننا عنا
فردلى الحب إيده و أخدنا من مكاننا
سبنا الدنيا وما فيها و دوبنا ورحنا جنة
مرت بينا الساعات
وكلامنا كان سكات
توهنا ونسينا روحنا والوقت علينا فات
و آه من كام ليلة أنا وهو اتقابلنا
من الحب عملنا مركب وفى بحر الشوق نزلنا
عشنا فى جو تانى ما حدش عاشه غيرنا
جانا القمر قاسمنا وبريشته راح راسمنا
و فرش الليل سكونه .. من كتر الفرحة طرنا
ده العالم كله كوم
وانت يا حبيبى كوم
خلتنى عشت جنبك أحلى و أجمل ليالى
وليلة بعد ليلة .. بالحب بقينا عيلة
وأنا عشت معاه فى قصة
ولا ألف ليلة .. ليلة وليلة
