Albi Bey Olli Kalam - Mohamed Abdel Wahab = قلبى بيقولى كلام - محمد عبد الوهاب

قلبى بيقولى كلام - محمد عبد الوهاب

كلمات: حسين السيد

تلحين: محمد عبد الوهاب

سنة الاصدار: 1966

الاصدار في: اسطوانات كايروفون

Albi Bey Olli Kalam - Mohamed Abdel Wahab
Lyrics by: Hussein El Sayed
Composed by: Mohamed Abdel Wahab
Year: 1966
Released in: Cairophon

قلبي بيقوللي كلام وانت بتقوللي كلام

وعينيَا شايفه كلام والناس بيقولوا كلام

احترت اصدق مين

واحترت اكدب مين

قلبي بيقوللي

انت بتحلفلي انك ليَا ونيك بتكذب حلفانك

بيخبوا وبيداروا عليَا وكلامهم مش زي كلامك

احترت انا بين قلبي وبينك والحيره عذاب

معرفش الصادق مين فيكم ومين الكذاب

قلبي بيقوللي كلام

فاكر يوم قلبي ما شكالك وسألتك عن راحة قلبي

في القرب داريت عنِي جوابك

وفي البعد رديت على حبي

احترت انا بين قلبي وبينك والحيره عذاب

معرفش الصادق مين فيكم ومين الكذاب

قلبي بيقوللي كلام

تضحك في عينيَا والفرحه تاخذ من قلبي وتجاوبك

وابص الاقي عينيك سارحه مع حاجه تانيه تنده لك

احترت انا بين قلبي وبينك والحيره عذاب

معرفش الصادق مين فيكم ومين الكذاب

قلبي بيقوللي كلام وانت بتقوللي كلام

وعينيَا شايفه كلام والناس بيقولوا كلام

احترت اصدق مين

واحترت اكدب مين

قلبي بيقوللي