Helm - Om Kalsoum = حلم / حبيب قلبى - ام كلثوم

حلم / حبيب قلبى - ام كلثوم

كلمات: بيرم التونسى

تلحين: زكريا احمد

سنة الاصدار: 1946

Helm - Om Kalsoum
Lyrics by: Bayram al-Tunsi
Composed by: Zakaria Ahmed
Year: 1946

حبيب قلبي وافاني في ميعاده ونوّل بعد ما طول بعاده

حبيب قلبي قابلني وهو متبسم وطمني على وصله

وقال لي بعد ما سلّم كلام القلب يرقص له

بقى يقول لي وأنا أقول له وخلصنا الكلام كله

يقول لي قلبي بودك أقول له قلبي أنا أكثر

يقول لي قد إيه حبّك أقول له فوق ما تتصور

وأقول له خايف لتنساني يقول لي مستحيل اقدر

بقى يقول لي وأنا أقول له وخلّصنا الكلام كله

قريب وبعيد وبقينا نقول ونعيد بعينينا

عيون لعيون تتكلم بسر القلب وتترجم

وروح مع روح تتجانس

وأيد على أيد بتسلم

بتسلم سلام مشتاق

نسينا الدنيا ولهينا في هوانا وطرنا وعلينا

لا عواذل واقفة حوالينا ولا ذنب يتعدى علينا

سكوت وسكون وإيه حيكون

مفيش غير النجوم تضوي ولا غير القمر ناظر

ولا غير الغصون تهمس ولا غير النسيم عابر

وأنا في دي النعيم هايم

لقيت منام وحلم وراح مع الأحلام

ياريته دام ودام نومي كده أعوام

وأنا وهو في دي النشوة

نعيش في سلام ولو في منام