Bafakar felli nassini - Mohamed Abdel Wahab = بفكر فى اللى ناسينى - محمد عبد الوهاب

بفكر فى اللى ناسينى - محمد عبد الوهاب

كلمات: حسين السيد

تلحين: محمد عبد الوهاب

سنة الاصدار: 1955

الاصدار في: اسطوانات كايروفون 1957

Bafakar felli nassini - Mohamed Abdel Wahab
Lyrics by: Hussein El Sayed
Composed by: Mohamed Abdel Wahab
Year: 1955
Released in: Cairophon 1957

بفكَّر في اللي ناسيني وبنسى اللي فاكرني

وبَهرَب م اللي شاريني وادوَّر ع اللي بايعني

وادوَّر ليه على جرحي وصاحب الجرح مش فاكر

واقول يا عين ليه تبكي ما دام الليل ما لهش آخر

عذاب الجرح يحرمني من الدنيا اللي انا فيها

وطول الليل يرجَّعني لدنيا كنتِ ناسـيها

اهجر حبايبي وخلاني، وانسى قلوب عايشه عشاني

واروح أدوَّر على ماضي كان ليا فيه يوم حب زمان

أشرب لوحدي كاس فاضي، دايماً بفكر فيه مليان

حبيب القلب يا ناسيني يا فاكر قلبي بعذابك

لو انساك في يوم تلاقيني نسيت الشوق على بابك

بحبَّك يا قاسي واحب انشغالي في حبك وعهدك على القلب غالي

وياما الليالي عذابها شكالي، وانت اللي عندي حبيب الليالي

صعبان عليَّ اللي نسيته لما قاسيت الي قاسيته ويَّا اللي هاجرني

أتاري ذنبي اللي جفيته عايش في ظلم اللي هويته بيخلصه مني

مظلوم لكن المقسوم مقسوم، مكتوب لي أحب اللي ضناني

لا جفاه نسَّاني هواه ولا تاه حبي من فكر اللي هواني