اغانى فيلم "نهاية قصة" 1951 - محمد فوزى
Nehayat kussa (The End of a Story) film 1951 - Mohamed Fawzi
الاغانى:
تلحين: محمد فوزى
1- من نظرة عين
كلمات: عبد العزيز سلام
2- يا نور جديد - عيد الميلاد
كلمات: عبد العزيز سلام
3- ياللى انت عاوز تعرف
كلمات: مصطفى السيد
4- جمالك بيزيد فى عينيا
كلمات: مصطفى السيد
Tracklist:
Composed by: Mohamed Fawzi
Lyrics by: Abdel Aziz Salam
2- Ya Nour Gedid
Lyrics by: Abdel Aziz Salam
3- Yally Enta Awez
Lyrics by: Mostafa Al Sayed
4- Gamalek Beyzeed
Lyrics by: Mostafa Al Sayed
من نظرة عين
من نظرة عين، قلبي ناداني
حبيت وبقيت مخلوق تاني
بخيالي أنا كنت عارفها
من قبل عينيا ما تشوفها
وردة لمحتها رحت قاطفها
والقلب رقص فوق شفايفها
والبوسة دي كاس شربوه اتنين
ما سكرت خلاص من نظر عين
أنا بسأل قلبي ألف سؤال
وجواب القلب أمل وخيال
يا مغير حال ومبدل حال
هقابلها وأشوفها واهني البال
ولا يا هلترى مشغولة بمين
ليه كل دا جرى من نظرة عين
كان طيفها يزورني في منامي
وصورتها عايشة في أحلامي
والحلم اتحقق قدامي
أتاريها وحيي وهيامي
لكن دي مين وآلاقيها فين
وأنا بين نارين من نظرة عين
يا نور جديد - عيد الميلاد
يا نور جديد في يوم سعيد
دا عيد ميلادك أحلى عيد
يوم ما اتولدتي البدر قال يا حسنها
أغيب أنا وهي تنور مطرحي
والشمس مالت م الخجل في برجها
هلت يا دنيا في نورها غني وافرحي
الطير صبح سبّح بقدرة ربنا
والنيل فرح غنى وقال يا سعدنا
الورد فتح.. في عيد ميلادك
ع الحسن صبح.. دا عيد ميلادك
فين سحر بابل جنب سحرك يا عيون
وفين سهام الحب جنبك يا جفون
ياللي بأوانك انتي أخجلتي الغصون
لو تطلبي روحي فدا.. روحي تهون
قوللي انت إيه؟ أنا عبد خاضع للجمال
وجاي ليه؟ جيت لما قلبي ليكي مال
أطلب رضاكي في عيد ميلادك
واقطف بهاكي في عيد ميلادك
يا نور جديد في يوم سعيد
دا عيد ميلادك أحلى عيد
جمالك بيزيد فى عينيا
جمالك بيزيد في عينيّ
كل ما بتزيد تُقل عليّ
وحياتك تتقل ولا تسأل
مادام انت مصيرك يوم ليّ
بتسبني أتغزّل في محاسنك
و أنا قاعد بس بعيد عنك
و أحاول أقرّب يوم منك
تبعد عني و تهرب مني
ساعتها الورد اللي في خدك
بيفتّح و يبان لعينيّ
و البدر يقولك من قدك
انوارك بتخبي علي
وحياتك تتقل ولا تسأل ..
عينك من عيني و تتمنّع
وأنا حاسس قلبك حيولّع
بتعطّش روحك و المية في ريحك
ما تسيب شبابك لطبيعته
ياخد نصيبه من الحياه
لا تلاقي روحك ضيّعته
وذنبي ايه وأنا أضيع ويّاه
ماكفاية عليك وعليّ
ما دام انت مصيرك يوم ليّ
ايه اللي عاجبك في العزول
عشان نقول عرفتي تختاري حبيبك
و قصده مهما يخدع ويقول بكلام معسول
ضي الجواهر و يسيبك
ماتنفضي ايديكي من حب ح يخيّب
وتفتحي عينيكي للمعدن الطيب
وانا تحت أمرك في جفاكي
و تحت امرك في صفاكي
وكفاية عليكي وعليّ...
------------------- اصدارات الاغانى = Track editions -------------------
