انا الشعب ماشى - الشيخ امام
كلمات: احمد فؤاد نجم
تلحين: الشيخ امام
Lyrics by: Ahmed Fouad NegmComposed by: Sheikh Imam
أنا الشعب ماشي وعارف طريقي
كفاحي سلاحي وعزمي صديقـي
أخوض الليالي وبعيون أمالي
أحدد مكان الصباح الحقيقي
أنا الشعب كفي تقيد الحياة
تخضر صحاري تبيد الطغاة
تعلي الحقايق رايات في البنادق
ويصبح تاريخي منارتي ورفيقي
أنا الشعب مهما يقيموا السجون
ومهما كلابهم تحاول تخون
حيطلع ناري وأدمر بناري
بحور الكلاب والسجون من طريقي
أنا الشعب والشمس وردة في كمي
ونار النهار خيل بترمح في دمي
وتقضي ولادي على كل عادي
ومين اللي يقدر يوقف في طريقي
