مفترق الطرق - ماجدة الرومى
كلمات: صلاح جاهين
تلحين: كمال الطويل
سنة الاصدار: 1976
الاصدار في: فيلم عودة الابن الضال
Lyrics by: Salah JahinComposed by: Kamal El Tawil
Year: 1976
Released in: Awdat al ibn al dal (Return of the Prodigal Son) film
ساعات أقوم الصبح قلبي حزين
أطل بره الباب ياخذني الحنين
اللي اشتريته انباع
واللي لقيته ضاع
واللي قابلته راح وفات الأنين
وأرجع وأقول: لسه الطيور بتفن
والنحليات بتطن
والطفل ضحكه يرن
مع إن مش كل البشر فرحانين
حبيبي سكر مر طعم الهوى
فرق ما بينا البين ما عدناش سوا
حرام عليك يا عذاب
نبقى كدة أغراب
دا البعد جرح من غير دوا
وأرجع وأقول: لسه الطيور بتفن
والنحليات بتطن
والطفل ضحكه يرن
مع إن مش كل البشر فرحانين
أدي اللي كان
وأدي القدر وأدي المصير
نودع الماضي وحلمه الكبير
نودع الأفراح… نودع الأشباح
راح اللي راح ما عادش فاضل كتير
إيه العمل في الوقت ده يا صديق
غير إننا عند افتراق الطريق
نبص قدامنا على شمس أحلامنا
نلاقاها بتشق السحاب الغميق
وأرجع وأقول: لسه الطيور بتفن
والنحليات بتطن
والطفل ضحكه يرن
مع إن مش كل البشر فرحانين
