باى باى - ماجدة الرومى
كلمات: صلاح جاهين
تلحين: بليغ حمدى
سنة الاصدار: 1976
الاصدار في: فيلم عودة الابن الضال
Bye Bye - Majida al-Roumi
Lyrics by: Salah Jahin
Composed by: Baligh Hamdi
Year: 1976Released in: Awdat al ibn al dal (Return of the Prodigal Son) film
معقول يا ولاد بنقول باي باي؟
وخلاص المدرسة فايتينها
شوفوا الأيام بتمر ازاي
مش لسه يدوبك داخلينها
يدوب عرفنا أسماء بعضينا
لحقت تعدي سنين علينا
وخلاص بنقول باي باي على طول
يا مدرستنا يا حبيبتنا
باي باي .. باي باي
باي باي يا أحلى أيام حياتنا
باي باي يا أغلى ذكرياتنا
فُتناكِ بخير يا وش الخير
يا مدرستنا يا حبيبتنا
باي باي .. باي باي
فُتناكِ بعافية يا شبابيك.. عقلنا كان يسرح برّاها
ودّينا من المجهول مزازيك.. تنادينا وادينا طاوعناها
و انتَ يا دي الملعب.. وانتِ يا دي التوتة
كانت حدوتة .. وتوتة توتة
وخلاص بنقول باي باي على طول
يا مدرستنا يا حبيبتنا
باي باي .. باي باي
رايحين وجايين سوا صحبة تلات سنوات
في المدرسة الطيبة ندرس ولاد وبنات
عرفنا نحسب شعاع الشمس بالخطوة
لكن أوان الوداع ما عملنالوش حسابات
خلّصنا بدري.. وقالولنا يلا
حنروح الجامعة.. يا رب انشالله
وخلاص بنقول باي باي على طول
يا مدرستنا يا حبيبتنا
باي باي.. باي باي
ياما غيرنا اتجمعوا قبلينا
واتفرقوا تاني ونسيوا زمان
بس احنا خصوصي لوحدينا
لازم نفضل أهل وخلان
دي عِشرة حلوة.. حرام تضيع
مرت يا عيني.. سريع سريع
وخلاص بنقول باي باي على طول
يا مدرستنا يا حبيبتنا
باي باي.. باي باي
