اغنى فيلم "شاطئ المرح" 1967 - نجاة الصغيرة
Chatei el marah film 1967 - Nagat Al Saghira
الاغانى:
كلمات: حسين السيد - تلحين: محمد عبد الوهاب
1- القريب منك بعيد
2- عاليادى
3- اه لو تعرف
Tracklist:
Lyrics by: Hussein El Sayed - Composed by: Mohamed Abdel Wahab
2- Alyadi Elyadi
3- Ah Law Taaref
القريب منك بعيد
القريب منك بعيد والبعيد عنك قريب
كل ده وقلبي الي حبك لسه بيسميك حبيب
حبيب عينيا حبيب أحلامي حبيب دموعي وهنا أيامي
أهون عليك أسهر بألامي وتتوه نجوم الليل في ظلامي
يا رايح للي فايتلي عيوني سهرانة ولا داري
أمانة اوصفله دمع عيوني طول ليلي ونهاري
آه منك.. كل ده وقلبي الي حبك لسه بيسميك حبيب
فاكر ولا ناسي.. ياما كنت بآسي
حتى مع الأيام الحلوة وقت ما كنت باقابلك فيها
كانت الفرحة معاك توحشني قبل ما ييجي معاد لياليها
كنت لسه في الحب لسه في الحب بتعلم جديد
ما كنتش اعرف ان القريب منك بعيد
آه منك.. كل ده وقلبي الي حبك لسه بيسميك حبيب
ياللي آمر من بعدك لقاك
ياللي أمر من هجرك رضاك
يا غربتي وانت بعيد عني
يا غربتي وانت قريب مني
يا حب، اقول له ايه يا حب
اسامحه ليه، دا العذاب هو الي يسامحه
والسهر هو اللي يسامحه
والدموع هي اللي تسامحه
آه منك.. كل ده وقلبي الي حبك لسه بيسميك حبيب
عاليادى
ع اليادي اليادي اليادي يا قلوب متداريّة
يا ما جرح الورد أيادي حتى الجناينية
يا ما شفنا في عيون حلوين حكايات القلب المسكين
أولها ورد وياسمين وأخرها انجرح الياســـــــمين
لا العاشق مرتاح ولا الخالي مرتاح
خلينا من السكة دي على البر مراكبية
ع اليادي اليادي اليادي يا صبايا شوق بينادي
يا ورد يا ابو الشوق ارتاح مش كل الحلو تفاح
لا العاشق مرتاح ولا الخالي مرتاح
خلينا من السكة دي على البر مراكبية
عارفينك يا حب جريء بتجيلنا من ألف طريق
ولا بحرك بيطفي حريق ولا برّك بينجي غريق
لا العاشق مرتاح ولا الخالي مرتاح
خلينا من السكة دي على البر مراكبية
يا للي معايا رأيكوا إيه في القلب اللي انا خايفة عليه
يا ما جرح الورد أيادي حتى الجناينية
والقلب اللي انا خايفة عليه لو فاته حبى يصحيه
لا يا قلبي كله إلا دي ما نستحملش أسّية
اه لو تعرف
آه لو تعرف يا حبيب قلبي وانت معاي باحس بإيه
خلي شوية لبكرا يا قلبي الحب ده ما اقدرش عليه
بص في قلبي يا عيون قلبي شوف كام حاجة بتتمناك
فرحة وشوق وأماني كبيرة وليالي حب بتستناك
بحبك حب خلاني بخاف من فرحتي جنبك
يشوفها حد يحسدها ويحسدني على حبك
وبحبك حب ياويلي منه مسهرني محيرني وروحي فيه
وبحبك حب ياويلى مدوبني وحبيته واخذت عليه
آه لو تعرف
آه لو تعرف ياحبيب قلبى وانت معايا باحس بايه
خلي شوية لبكرا يا قلبي لبكرا يا قلبي الحب ده ما اقدرش عليه
يا اغلى حاجه ليَّ وليَّ مين غير قلبك انت
يا اجمل حاجه فيَّ وفيَّ ايه غير حبك انت
شفايفي لما اجيب سيرتك بيحلو الكلام فيهم
عينيَّ كل ما بشوفك بحب اسهر لياليهم
من يوم ما عرفتك والدنيا ليها طعم جديد
والجنة اللي بيحكوا عنها اللي بيحكوا عنها
مابقتش بعيد من يوم ما عرفتك
كل غنوة حب فيها حاجه منك
كل نسمة فجر بتكلمني عنك
كل شىء بيهون عليَّ مادام بحبك
آه لو تعرف
آه لو تعرف يا حبيب قلبي وانت معاي باحس بإيه
خلي شوية لبكرا يا قلبي الحب ده ما اقدرش عليه
------------------- اصدارات الاغانى = Track editions -------------------
الحفلات:
- القريب منك بعيد (اول مرة) - حفل بسينما قصر النيل 1967