Elhawa Hawaya - Abdel Halim Hafez = الهوى هوايا - عبد الحليم حافظ

الهوى هوايا - عبد الحليم حافظ

كلمات: عبد الرحمن الابنودى

تلحين: بليغ حمدى

توزيع موسيقى: على اسماعيل

سنة الاصدار: 1969

الاصدار فى: فيلم ابى فوق الشجرة

Elhawa Hawaya - Abdel Halim Hafez
Lyrics by: Abd al-Rahman al-Abnoudi
Composed by: Baligh Hamdi

Arranged by: Ali Ismail
Year: 1969
Released in: Abi Foq El Shagara (My Father Up a Tree) film

الهوى هوايا

ابنيلك قصر عالي

واخطف نجم الليالي

واشغلك عقد غالي

يضوي لاحلى الصبايا

انا الهوى هوايا

يبقى القمر قاربنا

والليل بحر مهاودنا

والنسمة اللي تاخدنا

ترجع شايلة الحكاية

انا الهوى هوايا

ندخل كتب الحكاوي

واروي سنينك غناوي

واعمل طبيب مداوي

واشيل حبي دوايا

انا الهوى هوايا

ارسم صورتك في يدي

ع النسمة اللي تعدي

ع الفجر ابو ضحكة وردي

ع العمر اللي ورايا

انا الهوى هوايا

لو الايام يبعدوني

يصاحبك نور عيوني

ولو نامت جفوني

يصحى في ليلك غنايا

انا الهوى هوايا

في عينيكي يا حبيبتي

تتوه مني سفينتي

وكفايه انك انتي

اللي فضلتي معايا

انا الهوى هوايا

لكن وانا كلي حيرة

مش بملك يا أميرة

من أحلامي الكتيرة ياعيني

غير ضحكي وبكايا

انا الهوى هوايا