Fein Tarikak Feen - Mohamed Abdel Wahab = فين طريقك - محمد عبد الوهاب

فين طريقك - محمد عبد الوهاب

كلمات: حسين السيد

تلحين: محمد عبد الوهاب

سنة الاصدار: 1958

الاصدار في: اسطوانات كايروفون

Fein Tarikak Feen - Mohamed Abdel Wahab
Lyrics by: Hussein El Sayed
Composed by: Mohamed Abdel Wahab
Year: 1958
Released in: Cairophon

فين طريقك فين ويروحوا له منين

يا حبيب العين قلبك فين مداري

يا قريب وبعيد شوقي لك بيزيد

عندي لك مواعيد وانت معاي ومش داري

فين فين

خايف أبني معاك فرحتي بهواك

أنشغل بلقاك وانظلم بجفاك

وان غدربي هواك والا عز رضاك

أعمل إيه وياك

يا قريب وبعيد شوقي لك بيزيد

عندي لك مواعيد وانت معاي ومش داري

فين فين

بيقولوا لي توب عن هوى المحبوب

قلت هاتوا قلوب من حجر ما يدوب

لو قدرت انساك وافتكرني هواك

أعمل إيه وياك

يا قريب وبعيد شوقي لك بيزيد

عندي لك مواعيد وانت معاي ومش داري

فين فين

قلبي لك ميال وانت خالي البال

ليا فيك آمال بس فين تنطال

روحي عايشة معاك بس مش لاقياك

أعمل إيه وياك

يا قريب وبعيد شوقي لك بيزيد

عندي لك مواعيد وانت معاي ومش داري

فين فين