اقولك ايه عن الشوق - ام كلثوم
كلمات: عبد الفتاح مصطفى
تلحين: رياض السنباطى
سنة الاصدار: 1963
الاصدار في: اسطوانات مصرفون
Aollak Eih - Om KalsoumLyrics by: Abdel Fattah Mustafa
Composed by: Riad El Soumbati
Year: 1963
Released in: Misrphon
اقولك إيه عن الشوق يا حبيبي
اقولك إيه ومين غيرك داري بى
ليالي فى هواك أسهر و افكر
ومهما قلتلك في القلب أكثر
شوية إنى اقولك يا حبيبي
يا ريت في كلمه أكتر من حبيبي
اقولك إيه وإيه يوصف هوايا
وانا فى قلبى كلام مالوش نهاية
دي أجمل كلمة فى الدنيا حبيبي
بقولهالك وبرده مش كفاية
ما اقولش منايا كان حبك
ده أكثر م اللى بتمناه
ومن الفرحة وانا جنبك
بعيش في كل لحظة حياة
وقلبي نعيمه في قربك
وانت فرحته ودنياه
واقولك إيه
شوية إنى اقولك يا حبيبي
يا ريت في كلمة أكتر من حبيبي
هواك هو اللى خلى العمر غالي
وبالثانية احسبه مش بالليالى
وأخاف اسرح تفوتني لمحة منك
ومن الدنيا اللى أجمل من خيالي
هواك نسى الزمان طبعه
وخد منا الامان لينا
ودارى عننا دمعه
وخلاه ما دري بينا
ونور للأمل شمعة
وطمن بيه ليالينا
وأقولك إيه
شوية اني اقولك يا حبيبي
يا ريت في كلمة أكتر من حبيبي
وعودك فى الخيال غالية عليا
وأجمل من حقيقة بين إيديا
واصدق كل كلمة قلتهالى
واكدب فى هواك ظني وعينيا
يا ريت فى كلمه اوصف بيها حبك
واقولهالك ما بين قلبى وقلبك
ما يقدرش الكلام يوصف غرامي
ولا اشواقى فى بعدك و قربك
وأقولك إيه
شوية اني اقولك يا حبيبي
يا ريت فى كلمه اكتر من حبيبي
الحفلات:
- (اول مرة) حفل سينما قصر النيل 5 ديسمبر 1963