Madam Teheb - Om Kalsoum = مدام تحب بتنكر ليه - ام كلثوم

مدام تحب بتنكر ليه - ام كلثوم

كلمات: احمد رامى

تلحين: محمد القصبجى

سنة الاصدار: 1940

الاصدار في: اسطوانات كايروفون

Madam Teheb - Om Kalsoum
Lyrics by: Ahmed Rami
Composed by: Muhamad Al-Qasabji
Year: 1940
Released in: Cairophon

ما دام تحب بتنكر ليه دا اللي يحب يبان ف عنيه

تصدّ عنّي وتهجرنى واكلمك تهرب مني

وان غبت يوم تسأل عني

واعرف هواك ساعة لقاك من طول جفاك

واللى يحب يبان ف عنيه ما دام تحب بتنكر ليه

لو كنت عايز تراضيني وتصالح النوم على عيني

كنت اشتكيلك تواسيني

وتشوف عينيّا راضية الأسية تعطف عليّا

واللى يحب يبان ف عنيه ما دام تحب بتنكر ليه

لكن فؤادك يهواني واعرف هواك من وجداني

هو انت تقدر تسلاني

وانا بين ايديك أشكي اليك واشوف عينيك

واللى يحب يبان ف عنيه م ادام تحب بتنكر ليه