للصبر حدود - ام كلثوم
كلمات: عبد الوهاب محمد
تلحين: محمد الموجى
سنة الاصدار: 1963
الاصدار في: اسطوانات مصرفون
Lel Sabre Hedoud - Om KalsoumLyrics by: Abdel Wahab Mohamed
Composed by: Mohamed El-Mougi
Year: 1963
Released in: Misrphon
ما تصبرنيش بوعود
وكلام معسول وعهود
انا ياما صبرت زمان
على نار وعذاب وهوان
واهي غلطة ومش ح تعود
ولو ان الشوق موجود
وحنيني اليك موجود
انما للصبر حدود… يا حبيبي
صبرني الحب كتير
وداريت في القلب كتير
ورضيت عن ظلمك لكن
كل ده كان له تأثير
والقرب أساه وراني
البعد ارحم بكتير
ولقيتني وانا باهواك
خلصت الصبر معاك
وبأملي اعيش ولو انه
ضيع لي سنين في هواك
واهي غلطه ومش ح تعود
اكتر من مره عاتبتك
واديت لك وقت تفكر
كان قلبي كبير بيسامحك
انما كان غدرك اكبر
اكبر من طيبة قلبي
اكبر من طولة بالي
اكبر من قوة حبي
مع كل الماضي الغالي
ولقيتني وانا بهواك
خلصت الصبر معاك
وبأملي باعيش ولو انه
ضيع لي سنين في هواك
واهي غلطة ومش ح تعود
ما تصبرنيش ما خلاص
انا فاض بيا ومليت
بين لي انت الاخلاص
وانا اضحي مهما قاسيت
دا مفيش في الدنيا غرام
بيعيش كده ع الاوهام
والحب الصادق عمره
عمره مايحتاج لكلام
ولقيتني وانا بهواك
خلصت الصبر معاك
وبأملي باعيش ولو انه
ضيع لي سنين في هواك
واهي غلطه ومش ح تعود
ولو ان الشوق موجود
وحنيني اليك موجود
انما للصبر حدود ياحبيبي
