لا مش انا اللى ابكى - محمد عبد الوهاب
كلمات: حسين السيد
تلحين: محمد عبد الوهاب
سنة الاصدار: 1959
الاصدار في: اسطوانات كايروفون
La Mouch Ana - Mohamed Abdel Wahab
Lyrics by: Hussein El Sayed
Composed by: Mohamed Abdel Wahab
Year: 1959
Released in: Cairophon
Lyrics by: Hussein El Sayed
Composed by: Mohamed Abdel Wahab
Year: 1959
Released in: Cairophon
لأ مش انا اللي ابكي والا انا اللي اشكي
لو جارعليَا هواك
ومش انا اللي اجري واقول عشان خاطري
ولا ليَا حق معاك
تبقى انت هاجرني وانت اللي ظالمني
وفاكرني ح اترجاك
انا قلتها كلمه وكل شيء قسمة
ودي قسمتي وياك
وكفايه قلبي انشغل على قلب خان الأمل
وعايزني ارجع تاني لا
ارجع لك تاني لالالا
من كام سنه لمَا دارالهوى بينَا
فاكر احنا قلنا ايه
مش دي راحة قلبي ولا ده أمل حبي
اللي اتفقنا عليه
اشمعنى انا عهدك صنته ورعيت ودك
والعمر داب حواليه
لكن اللي بيحبك مالوش ثمن عندك
والغالي يرخص ليه
انا راح زماني هدر ولا كانش عندك خبر
وعايزني ارجع تاني لا
ارجع لك تاني لالالا
انا مش بعاتبك دلوقت
انا بدي اقول ليه ده يحصل
علشان نهايتك ونهايتي
كان يجري ايه لو كانت اطول
غيروك علموك تنسى وتبيع اللي كان
بعته ليه تنسى ليه فين حبيبي بتاع زمان
فين قلبك من حبي ليه ما سكنش جنبي
كان مشاركني فـ عمري ونسي يشارك قلبي
مقدرش يعرفني معرفش يفهمني
وعشان ايه معرفش ده ذنبك مش ذنبي
تبقى انت هاجرني وانت اللي ظالمني
وفاكرني ح اترجاك
انا قلتها كلمه وكل شيء قسمة
ودي قسمتي وياك
وكفايه قلبي انشغل على قلب خان الأمل
وعايزني ارجع تاني لا
ارجع لك تاني لالالا
