ساعات ساعات - صباح
كلمات: عبد الرحمن الابنودى
تلحين: جمال سلامة
سنة الاصدار: 1980
الاصدار فى: فيلم ليلة بكى فيها القمر
Lyrics by: Abd al-Rahman al-AbnoudiComposed by: Gamal Salama
Year: 1980
Released in: Laila Baka Feha Al Qamar film
ساعات ساعات .. ساعات ساعات
احب عمري واعشق الحاجات
احب كل الناس .. وقد ايه احساس
واحس جوايا بـ100 نغم .. 100 نغم يملي السكات
ساعات.. ساعات
وساعات ساعات.. احب عمري واعشق الحاجات
وساعات ساعات.. احس قد ايه وحيدة
وقد ايه الكلمه في لساني مهيش جديدة
وقد ايه مانيش سعيدة.. وان النجوم بعيدة
وتقيلة خطوة الزمن.. تقيلة دقة الساعات
ساعات .. ساعات
وساعات.. ساعات
اضحك والعب زي عصفورة ربيع.. زي النسيم
زي النسيم ما يعدي وف لحظه يضيع.. اضيع
افرح قوي.. وأضحك قوي
واحب عمري واعشق اليوم اللي فات
ساعات .. ساعات
غريبة.. وغريبة
نفس اللي بيفرحني .. ما يفرحني
وغريبه نفس اللي بيريحني.. ما يريحني
واحس ان عمري فات
من غير ما احب عمري واعشق الحاجات
كده ساعات.. وكده ساعات
وغريبة.. غريبة دقة الزمن
وغريبة.. غريبة لعبه الساعات
ساعات ساعات.. ساعات ساعات
احب عمري واعشق الحاجات
