اغانى البرنامج الاذاعى "مع الشيخ امام" 1968 - الشيخ امام
الاغانى:
تلحين: الشيخ امام
اقرا باسم الله الاكرم
كلمات: فؤاد السبكى
رايت ظبيا
بياع الغناوى / فلاح يا اسمرانى
كلمات: احمد فؤاد نجم
اشرق النور والجمال تبسم
يعوض الله ع الاخلاق
مداح وغاوى اقول غناوى
كلمات: احمد فؤاد نجم
سبحانك ما اعظم شانك
جيفارا مات
كلمات: احمد فؤاد نجم
اهلا رمضان هل هلالك
الاولة بلدى
كلمات: احمد فؤاد نجم
لحن عن السيدة زينب
جيفارا مات
جيفارا مات
جيفارا مات
اخر خبر فى الراديوهات
وفى الكنايس
والجوامع
وفى الحواري
والشوارع
وع القهاوي وع البارات
جيفارا مات
واتمد حبل الدردشه
والتعليقات
مات المناضل المثال
ياميت خسارة على الرجال
مات الجدع فوق مدفعة جوه الغابات
جسد نضالة بمصرعه
ومن سكات
لا طبالين يفرقعوا
ولا اعلانات
ما رايكم دام عزكم
ياانتيكات
يا غرقانين فى المأكولات
والملبوسات
يا دافيانين
ومولعين الدفايات
يا محفلطين يا ملمعين
ياجيمسنات
يا بتوع نضال اخر زمن
فى العوامات
ما رايكم دام عزكم
جيفارا مات
لاطنطنة
ولا شنشنه
ولا اعلامات واستعلامات
عينى عليه ساعه القضا
من غير رفاقه تودعه
يطلع انينه للفضا
يزعق
ولا مين يسمعه
يمكن صرخ من الالم
من لسعه النار ف الحشا
يمكن ضحك
او ابتسم
او ارتعش
او انتشى
يمكن لفظ اخر نفس
كلمه وادع
لجل الجياع
يمكن وصيه
للى حاضنين القضيه
فى الصراع
صور كتير
ملو الخيال
والف مليون احتمال
لكن اكيد
اكيد اكيد
ولاجدال
جيفارا مات
موتة رجال
ياشغالين ومحرومين
يا مسلسلين رجلين وراس
خلاص خلاص
مالكوش خلاص
غير بالبنادق والرصاص
دا منطق العصر السعيد
عصر الزنوج والامريكان
الكلمه للنار والحديد
والعدل اخرس او جبان
صرخه جيفار يا عبيد
في اى موطن او مكان
مافيش بديل
مافيش مناص
يا تجهزوا جيش الخلاص
يا تقولوا على العالم خلاص
الاولة بلدى
الآوله بلدي
والتانيه بلدي
والتالته بلدي
الآوله بلدي بسلطن جو موالي
والتانيه بلدي بقول الكلمه بالعالي
والتالته بلدي يا كنزي وعزوتي ومالي
الآوله بلدي
بسلطن جو موايى ودا الموصوف
والتانيه بلدي
بقول الكلمه بالعايى وع المكشوف
والتالته بلدي
والتالته بلدي يا كنزي وعزوتي ومالي
الآوله بلدي بسلطن جو موالي
ودا الموصوف دوا العيان
بقول الكلمه بالعالى وع المكشوف
وفى المليان
والتالته بلدي يا كنزي وعزوتي ومالي
وملو الشوف أوانك آن
تحدي الحد يا بلدي
ما بين الحق والبهتان
ورايتك تعلا يا بلدي
دليل عن صحه البنيان
ودا الموصوف
والأوله بلدي
والتانيه بلدي
والتالته بلدي
------------------- اصدارات الاغانى = Track editions -------------------
