Wehiyat Eineik - Shadia = وحياة عينيك - شادية

وحياة عينيك - شادية

كلمات: مرسى جميل عزيز

تلحين: كمال الطويل

سنة الاصدار: 1962

الاصدار فى: فيلم الزوجة 13

Wehiyat Eineik - Shadia
Lyrics by: Morsi Gamil Aziz
Composed by: Kamal El Tawil
Year: 1962
Released in: Al zouga talattashar (The 13th Wife) film

وحياة عينيك وفداها عينيا

انا بحبك قد عينيا

لا قد روحى لا لا شوية

طب قد عمرى برضه شوية

حيرتنى توهتنى غلبتنى وياك كدة ليه؟

نستنى كنت هقولك ايه.. آه

وحياه عينيك وفداها عينيا

انا بحبك قد عينيا

ولا حد قبلك فات على قلبى

ولا حد بعدك يملى عينيا ياعينيا

كنت بخاف من حبك من ظلمك لحبايبك

لكن غصب عنى قلبى عملها وحبك

ماقدرش مااحبكش وحياتك ما قدرش

فى ايديك قوة تهد جبال فى ايديك قوة

وعليك صبر وطولة باال وعينيك حلوة

ماقدرش مااحبكش وحياتك مااقدرش

عايز تخاصمنى خاصمنى بس اوعى تبعد عنى

عايز تصالحنى تعالى قبل الشوق مايجننى

عارفة انك طيب هتجينى قريب

ولا هتندهلى واقولك طيب ياعنيا