يامة مواويل الهوا (موال فلسطينى مصرى) - الشيخ امام

يامة مواويل الهوا (موال فلسطينى مصرى) - الشيخ امام

كلمات: احمد فؤاد نجم

تلحين: الشيخ امام

سنة الاصدار: 1972

Lyrics by: Ahmed Fouad Negm
Composed by: Sheikh Imam

Year: 1972

يامه مويل الهوى

يامه موايليا

طعن الخناجر ولا

حكم الخسيس فيا

الصبر حلم العواجز

يطرح زهور الأماني

والقهر عدى الحواجز

وأنا اللي واقف مكاني

شايف غيطان البشاير

خايف وكانن إيديا

حتى الحمام اللي طاير

ما رضيش يرفرف عليا

سألت شيخ الطريقه

ما رضيش يجاوب سؤالي

ودارى عني الحقيقه

وفاتني حاير في حالي

سألت شيخ الأطبا

دوا الجرح إللي بيا

نظر لي نظرة محبة

وقال دوايا بايديا

يا مصر وإنتي الحبيبة

وإنتي اغترابي وشقايا

وإنتي الجراح الرهيبه

وإنتي إللي عندك دوايا

علمني حبك عبارة

سهلة وبسيطة وعفية

شرط المحبه الجسارة

شرع القلوب الوفية