يا هبيلة يا فضيلة - الشيخ امام

يا هبيلة يا فضيلة - الشيخ امام

كلمات: احمد فؤاد نجم

تلحين: الشيخ امام

سنة الاصدار: 1976

Lyrics by: Ahmed Fouad Negm
Composed by: Sheikh Imam
Year: 1976

جلابة أرزاء

يا سخامة

يا لطامة

يا للي اسمك أخلاق

ازيك

ايش حالك

ايه آخر الأنباء

جزروكي ؟

دبحوكي ؟

خلوكي أشلاء

منا قايل و سمعتي

بس انتي اللي طمعتي

ف بلدنا يعزوكي

بدماغ الدقماق

بالقضية الفنية

صرعوكي السجانة

حبسوكي ف قضية

مرفوضة و خسرانة

و التهمة الجنائية

قال انك انسانة

و خدوك الشرطية

و بتوع الهجانة

و أبو عسكر حرامية

بيبرطع ف تكية

و يقول اشتراكية

و الناس لسه جعانة

و أبو لكنة فرنساوي

طبال و مغناوي

بيغني اشتركاوي

و العالم طرشانة

يا هبيلة يا فضيلة

يا بتاعة المهابيل

بلا وكسة بلا نيلة

بلا هفة مخاليل

دي بلدنا و لا حولا

ما بقاش فيها علاولة

و عوضنا ع المولى

ف ولادنا الشماليل

بادينا و رجلينا

أسسنا و علينا

و عملنا اللي علينا

جيل يطلع ورا جيل

وأخيرا ولا آخر

أخلاقنا بتتأخر

و مهازل و مساخر

وهزيلة و تضليل

و البامية السلطاني

و القزع الأخراني

من واحد للتاني

لا تحزن ياخليل