الفوازير - عبد الحليم حافظ
كلمات: مرسى جميل عزيز
تلحين: محمد الموجى
توزيع موسيقى: على اسماعيل
سنة الاصدار: 1963
الاصدار فى: اسطوانات صوت الفن
Al Fawazir - Abdel Halim HafezLyrics by: Morsi Gamil Aziz
Composed by: Mohamed El-Mougi
Arranged by: Ali Ismail
Year: 1963
Released in: Soutelphan
الفجر طلع الفجر طلع الفجر طلع
الفجر طلع وطلعنا معاه..طلعنا معاه
وعرفنا طريقنا بعون الله.. بعون الله
ومشينا مشينا كثير وطريق الثورة كبير
اهداف تسبق امجاد وايام كلها اعياد
وحقيقة ولا الاساطير وحكاية ولا الفوازير
فوازير فوازير (فزورة القنال)
ح يقول فزورة وفزورة ع الثورة وكلها مشهورة
لكن خذوا بالكم لما يقولها لكم
جدي نشاها بإيده بناها ...لكن راح فى ترابها ماجاش
فاتها بحالها ومالها لابويا لكن ابويا ماورثهاش
يسكت ابويا حيعمل ايه؟ والسجان بالنار حواليه..وانا
انا جاء دوري مع الحرية ...انا دم الثورة جري فإيديا
خذتها منه غصب عنه وتعب جدي ماراحش بلاش
انتهى عهد الضلال ..عاد لنا المال الحلال
يوم ما اممنا ....القنال
فوازير فوازير (فزورة السد العالي)
ح يقول فزورة وفزورة ع الثورة وكلها مشهورة
لكن خذوا بالكم لما يقولها لكم
الكل بيجري بيجري ويشمر ويهد ويبني ويبني ويعمر
ديناميت..بيهد جبال فتافيت..وغبار وعرق ورجال عفاريت
وبسرعة بيعلى البنيان وبيعلى مجد الانسان
حيلم الميه وينثرها ع الارض البور.....تطرح بساتين ومحبة ونور ومكن بيدور
ودا طبعا باين طوالي وفبالكم زي ماهو فبالي
عارفينه ؟؟ ..السد العالي
فوازير فوازير (فزورة الشهيد)
ح يقول فزورة وفزورة ع الثورة وكلها مشهورة
لكن خذوا بالكم لما يقولها لكم
فى عز عز الحياة شباب وباع الحياة
لاجل انتصار الحياة على عدو الحياة
فى كل فرحة عيد فى كل نصر جديد ماتتنسيش ذكراه
خلدوا بالحب روحه من جديد فى دمشق فى اليمن فى بور سعيد
فى فلسطين اللى راح ترجع اكيد
و الجزائر بلد المليون ...شهيد
فوازير فوازير (فزورة جمال)
ح يقول فزورة وفزورة ع الثورة وكلها مشهورة
لكن خذوا بالكم لما يقولها لكم
بعد سنين وسنين وسنين واحنا على الظالمين ساكتين
جانا بطل انسان وبطل
خللى اليأس حماس وأمل خللى الضعف كفاح وعمل
قال لليل الظلم إرجع قال لنور الحق إطلع
قال لكل الدنيا تسمع
صوت الثوار ع العبودية صوت الأحرار والحرية
صوت القومية العربية بيهز الارض بالطول والعرض
وبطلنا ابو الابطال أسمر فى جبينه هلال اسمه عارفاه الدنيا
حد مايعرفش ..جمال
الفجر طلع الفجر طلع الفجر طلع
الفجر طلع وطلعنا معاه..طلعنا معاه وعرفنا طريقنا بعون الله.. بعون الله
ومشينا مشينا كثير وطريق الثورة كبير
اهداف تسبق امجاد وايام كلها اعياد
وحقيقة ولا الاساطير وحكاية ولا الفوازير
فوازير فوازير
